IX XORNADAS APÍCOLAS DO EUME

Nova do 16 Outubro, 2008 47

24, 25, 26, 28 E 29 de OUTUBRO, CASA DO MEL GOENTE AS PONTES
Días 24 e 25 de Outubro. ( Esta actividade ten prazas limitadas con inscrición previa)
Curso na Casa Do Mel sobre ” análise físicio-química e polínicoa de meles”.

Monitor.- Antonio Gómez Pajuelo (biólogo e consultor apícola).

Día 25 de outubro ás 18,30 h. no salón de actos Casa Dopeso
Conferencia sobre “Calidade do mel”.

Conferenciante.- Antonio Gómez Pajuelo (biólogo e consultor apícola).

Día 26 de outubro na Casa Do mel Concurso de cata de meles

Haberá diploma de recoñecemento ao mellor mel claro e para o mellor mel escuro.
As mostras recolleranse ata o día 24 de outubro na Casa do mel
O mel irá presentado ao concurso en botes de 1000 gr. baixos sen ningún tipo de etiqueta.

Días 28 e 29 de outubro.
Obradoiros de cera e de mel, para escolares na Casa do Mel.

Extracción e envasado do mel
Elaboración de candeas e flores con cera, distintas cores
Proxección de vídeos apícolas
Programas informáticos nos que se dá a coñecer a vida da abella
Proba do mel con outros produtos da comarca

Día 1 de novembro
FEIRA DO MEL ARTESÁN DE FUNGOS E COGUMELOS NAS PONTES

28/09/2008 Concurso de carteis: “Pintando as abellas”
Poderán participar todos os mozos/as que cursen estudios de:

1º ciclo de Ed. Primaria (1ª. Categoría)
2º ciclo de Ed. Primaria (2ª. Categoría)
3º ciclo de Ed. Primaria (3ª. Categoría)
1º e 2º ciclos da E.S.O. (4ª. Categoría)

Establécense catro premios de 100 para comprar material escolar; un cartel finalista por cada categoría, dos cales o xurado elixirá o das próximas xornadas apícolas.
O motivo do cartel é anunciar as X Xornadas Apícolas do ano 2009.
A técnica será libre, lapis de colores, rotuladores, témperas, ceras, etc. e o tema estará relacionado coa apicultura. Non se admitirán traballos a ordenador.
Aparecerá obrigatoriamente no cartel o seguinte texto: X Xornadas Apícolas do Eume.
As medidas do cartel serán de 30 x 42 cms. como máximo.
Só se poderá presentar un cartel por persoa e deberá ser inédito e orixinal.
O prazo de presentación dos carteis rematará o 16 de outubro de 2008 ás 12:00 h.
Os carteis serán entregados ou enviados a Casa do mel – Goente s/n,
15325 As Pontes, A Coruña. (teléfono: 661003616 / casadomel@vodafone.es)
O cartel deberá vir acompañado dun sobre pechado e coa seguinte información no seu interior: nome do autor, enderezo e teléfono de contacto.
Os carteis premiados quedarán en propiedade da Asociación Galega de Apicultura Delegación do Eume.
O xurado estará composto por persoas debidamente cualificadas sendo o seu fallo inapelable. O xurado resérvase o dereito de declarar deserto o premio.
A Asociación Galega de Apicultura poderá utilizar a imaxe dos carteis gañadores noutras publicacións relacionadas ou non coas Xornadas Apícolas, así mesmo os carteis que non resulten premiados poderán ser expostos na Casa Do Mel.
A participación neste concurso implica a aceptación destas bases.
Nota: os carteis non premiados, poderán ser retirados na Casa Do Mel durante o mes de decembro. Os non retirados neste período quedarán en propiedade da Asociación Galega de Apicultura Del. Eume.