LIGA DE FÚTBOL DE VETERANOS DE AS PONTES 2016/17
A pesar da derrota, Fisioterapia DC-HIM&HER segue de líder, agora con tres puntos sobre La Galaxia, que é segundo
Nunha xornada na que houbo moitos goles, o partido máis salientable foi o que disputaron Fisioterapia DC-HIM&HER e La Galaxia, primeiro e segundo clasificados, un encontro moi disputado, intenso e por momentos moi tenso, que gañou merecidamente La Galaxia, que igualou o resultado da primeira volta.
Pese a perder, continúa na primeira posición Fisioterapia DC-HIM&HER, seguido a tres puntos de La Galaxia, que aínda ten opcións de campionato. Os “fisios” teñen moito ó seu favor, xa que con facer o que fagan os “galácticos” serían campións na súa primeira participación na competición. Incluso, perdendo un partido, La Galaxia tería que gañar os tres que restan de liga e superar a diferenza de goles, que agora mesmo está en +23 para Fisioterapia DC-HIM&HER e +19 para La Galaxia.
Na terceira praza está Mobles Eume con 28 puntos. Xa máis distanciados As Pontes 74 e MMYPEM, con 22; Farmavida e Bar Xardín, con 20 puntos; Galiorient, con 17, A Cepa con 15 e pecha a clasificación, con 7 puntos, Electricidad J&O.
Seguen empatados a 24 goles na táboa de goleadores Iván (Fisioterapia DC-HIM&HER) e Fernández (A Cepa). Suman 13 goles Tomás (Galiorient), Martín (Mobles Eume) e Fontao (La Galaxia).
Na vindeira xornada, a décimo sétima, especial atención ós encontros Fisioterapia DC-HIM&HER – Bar Xardín (Dom. 12, 10:00 h) e La Galaxia – Farmavida (Dom. 12, 12:00 h).
16ª XORNADA 4-5 / Marzo / 2017
Farmavida – Galiorient (3-0) Pichote, Rafa e Alberto
As Pontes 74 – Mobles Eume (1-2) Óscar / Martín e propia porta
Bar Xardín – Electricidad J&O (1-0) Iván
Fisioterapia DC-HIM&HER – La Galaxia (2-5) David e Corral / Juan, Sergio, Nené, Fontao e Sito
MMYPEM – A Cepa (5-3) Luis, Narciso (3) e Choupi / Alberto, Lolo e Ramón
17ª XORNADA 11-12 / Marzo / 2017
Electricidad J&O – As Pontes 74 (Sáb. 11, 19:00 h)
A Cepa – Mobles Eume (Sáb. 11, 20:00 h)
Fisioterapia DC-HIM&HER – Bar Xardín (Dom. 12, 10:00 h)
Galiorient – MMYPEM (Dom. 12, 11:00h)
La Galaxia – Farmavida (Dom. 12, 12:00 h)
Nova cortesía de A.F.