MEDALLA DE PRATA PARA BORJA PRIETO NA COPA DE ESPAÑA DE 1000 METROS

Esta fin de semana o palista pontés Borja Prieto competiu na Copa de España das distancias de 1000 metros disputada no embalse de Pontillón en Verducido (Pontevedra).
Borja competiu nas tres probas , K1, K2 e K4 co seu novo equipo o Real Grupo de Cultura Covadonga, algo mermado polo recenté falecemento da súa avoa materna.
Pola mañá celebrouse o competidísimo K1, no que Borja foi sexto na súa segunda serie semifinal e reservándose para o K2 deixouse levar na Final B acabando na oitava posición. Nunha final A de moitos kilates, venceu o portento talaverán Fran Cubelos, seguido do compañeiro de Borja Javier Hernanz, e terceiro Emilio Llamedo. Cuarto Diego Cosgaya, quinto Óscar Carrera, sexto Diego Piña e séptimo Rodrigo Germade. Estos sete acudirán a Madrid para concentrarse coa selección española.

Xa pola tarde celebrouse a contrareloxo do K2 nas que Borja e o seu compañeiro Hernanz pasaron de séptimos dos 39 kaiaks participantes. Xa nas semifinais pasaron co segundo posto na segunda serie por detrás de Avilés, e na final A competiron moi ben, pero Campo-Millán (Tudense) pola calle 5 lideraron dende o principio e acabaron impoñendose cun tempo de 3:35.170, segundos Borja-Hernanz 3:35.850 e terceiros Aranjuez 3:38.730, outros destacados, cuarto Cosgaya-Alonso, e sexto Portopetro.
Na mañá do domingo disputouse o K-4 e o Covadonga, con Hernanz e Borja, acompañados por Jaime Blanco e Pelayo García foron cuartos na segunda serie semifinal, e quedaron a un paso da Final A, por riba na serie máis complicada na que estiveron os dous Kayak Tudense que foron ouro e prata. Na Final B, nun duelo asturiano foron segundos por detrás do Avilés e por diante do Piraguamadrid. Na Final A ouro para Tudense (Alonso- Campo-Carrera-Piña), prata Tudense (Domínguez-Millán-Rodríguez-Sobrado), bronce Delfines de Ceuta.
O 11-12 de Maio disputarase en Trasona a Copa de España de 200 e 500 metros e xa o 19-20-21 de Xullo en Verducido o Campionato de España.









Nova cortesía Xose Ferreiro