Mesa sectorial de asociacións

EuroEume está a promove-la constitución dunha mesa sectorial de asociacións de toda a comarca do Eume. Este sábado pasado ás 10:00 no local de EuroEume tivo lugar a primeira xuntanza con membros de distintas asociacións de toda a comarca.
Nesta primeira xuntanza plantexáronse as razóns de porqué facer esta mesa e o ‘modus operandi’ da mesma.

A función desta mesa será a de poñer sobre a mesa as problemáticas comúns do movemento asociacionista e tentar de atopar solucións entre todos e/ou solicitalas á institución, empresa ou persoa que proceda en cada caso.
Tamén terá como obxectivo o de promover proxectos a desenvolver en común entre varias asociacións coma o que xa está plantexado de recolle-la memoria musical da comarca.
E principalmente fomenta-la comunicación entre as distintas asociacións, e que haxa un fluxo constante de información dunhas asociacións a outras.
Polo de agora só se fixo unha primeira xuntanza e todo está por verse, pero as intencións e as gañas están ahí.
A vindeira xuntanza será o sábado 29 de novembro ás 12:00 horas na Capela. Os representantes de asociacións que queiran asistir poden facelo contactando con EuroEume no teléfono 981 440 668. Serán todos benvidos.