MIGUEL ALVARIÑO, CAMPIÓN DE ESPAÑA EN MADRID

Xunto a Dani Castro foi tamén bronce por equipos

56

Sigue en gran estado de forma o arqueiro pontés Miguel Alvariño García pois este domingo na Comunidade madrileña proclamouse Campión de España Absoluto.

Xa fora Maikel segundo nas tiradas previas con 656 puntos, e logo foi vencendo sucesivamente ao andaluz Manuel Guerra (7-1), o madrileño Javier Mérida (6-0), e ao seu compañeiro de selección, o gran burgalés Pablo Acha (7-3).

Nas semifinais deste domingo gañou 6-0 ao aragonés Francho Rufas, e na gran final a Andrés Temiño, da mesma rexión, polo tanteo de 6-2, tras remontar o primeiro set e gañar os tres seguintes por un so punto.

Un gran rival que xa fora o mellor nas tiradas previas, con 658 puntos, e entre outros deixou en semifinais a Ken Sánchez, plata por equipos con Maikel a semana pasada en Colombia.

Precisamente por equipos, con Miguel, Dani Castro, e Pablo Filgueira, gañou Galicia 6-0 á gran rexión asturiana, caendo despois nas semifinais por un apretado 3-5 ante Aragón, resarcindose na loita polo bronce con outro 6-0 a Castela León, con ouro para os locatarios.

Por equipos mixtos, Miguel e Laura García gañaron a Navarra 6-0 caendo en cuartos ante Andalucía polo mesmo tanteo, nunha proba gañada polo País Vasco.

Nova cortesía Xose Ferreiro. Foto RFETA.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios