A concelleira de Compromiso por Galicia nas Pontes, Jéssica Fernández Polo expón que considera que o fomento do emprego é básico no concello que rexistrou no mes de febreiro 1096 desempregados e desempregadas. A día de hoxe As Pontes ten unha situación económica que permite facer un esforzo e non hai nada mellor que invertir en emprego e formación, tentando paliar situacións presentes pero tamén mirando cara o futuro
Por iso vén de presentar no concello unha proposta de actuacións entre as que destacan:
1. Realización dun estudo sociolaboral onde se identifiquen nichos de emprego, potencialidades e dificultades no eido do emprego no concello das Pontes
2. Plan de emprego local. Desenvolver un obradoiro de emprego dun ano de duración no que se realizarían contratos de formación retribuídos con 641 euros. Ao mesmo tempo formaríase aos destinatarios en tres perfís profesionais distintos: Atención a persoas dependentes, Agricultura ecolóxica e silvicultura e Animación Turística. Poderíanse beneficiar 70 ponteses e pontesas cunha inversión de aproximadamente 1.100.000 euros
3. Establecer convenios con Asociacións de Economía Social para o desenvolvemento de accións de asesoramento ao emprendemento e de inserción laboral.
4. Promover o financiamento de proxectos mediante micro-créditos por parte do concello ou conveniando con entidades de Banca Ética
5. Creación dunha central de compras na que poderá inscribirse o pequeno comercio, divido por sectores, para reducir o custe de aprovisionamento. O concello ofrecerá asesoría na agrupación das distintas empresas e autónomos, na configuración da central de compras e na implantación.
6. Redacción dun informe que verifique a viabilidade de redución ou supresión de impostos relacionados coa actividade económica ligados ao período de recesión económica, tales como IBI, licencias de apertura, etc.
7. Establecemento dun viveiro de empresas , xestionado polo Concello onde se priorice a base tecnolóxica e a implantación de modelos de negocio a longo prazo. Os novos empresarios poderían compartir os custes que implica a apertura dun novo negocio. Poderíase contar co asesoramento e coa colaboración da Universidade da Coruña.
Jéssica Fernández Polo tamén destaca a necesidade de que o PSOE que goberna no concello faga algo, sinxelamente algo, levamos dende o mes de setembro falando de propostas para o emprego e non se concreta nada. Non nos podemos permitir esta pasividade
Novas
- Copa de España Dragon Boat Nautico Folixa
- RESULTADOS CLUBE DE PIRAGUISMO GRUPO XUVENIL NOS LIV CAMPEONATOS DE ESPAÑA DE XOVENES PROMESAS.
- Curso de micro:bit
- ALBA ABRIL E MARÍA LEFLER DO CLUB DE VELA FLUVIAL AS PONTES, CAMPEONAS DE ESPAÑA FEMENINAS
- RESULTADOS CLUBE DE PIRAGUISMO GRUPO XUVENIL NOS CAMPEONATOS GALEGOS DE K-1 NA CATEGORÍA INFANTIL.
- Novo récord Galego de Gonzalo Iglesias Gómez
- LIV CAMPEONATOS DE ESPAÑA DE INVERNO DE PIRAGÜISMO
- NOTA PRENSA CR FENDETESTAS
- XVII campionato Xunta de Galicia de atletismo sub10 en pista curta e XIX campionato Xunta de Galicia de atletismo sub12 en pista curta
- Resultados de Esteban Díaz Pérez en 3000m
Anterior
También podría gustarte
Comentarios