Complicado e difícil partido do Esteo este sábado diante do líder Noia, equipo que aínda non perdeu un partido
Un óso duro de roer será o Noia, líder sen perder un partido e que vai directo ó título de liga, para un Esteo que vén de perder na pista do Cuéllar segoviano.
Dezaoito puntos separan ós dous equipos na clasificación. Precisamente foi na cuarta xornada de liga cando o Esteo iniciou a súa escalada, despois de tres derrotas seguidas, na cancha do actual líder, ó empatar a un gol.
Nos oito enfrontamentos anteriores entre os dous equipos, o Esteo tan só gañou unha vez. Foi na tempada 2013/14 no pavillón da Fraga por 3-2. As restantes confrontacións foron vitorias dos noieses, na súa pista tres por 4-2, 6-3 e 4-2 e na tempada 2014/15, 1-4 nas Pontes na semifinal da copa Deputación. Como sinalamos, na primeira volta do actual campionato, houbo empate a un gol.
SEGUNDA DIVISIÓN B (17ª xornada)
O ESTEO F.S. – NOIA F.S.
Sábado 18 – Febreiro – 2017 (18:30 h)
Pavillón Municipal da Fraga (As Pontes)
Nova cortesía de A.F.