O CLUB DEPORTIVO AS PONTES GOLEA Ó VAL NA COPA DEPUTACIÓN (0-5)

O Club Deportivo As Pontes segue sumando triunfos ó vencer nos dezaseisavos de final ó Val por un claro e contundente 0-5. Con anterioridade os ponteses gañaron ó Raing de Ferrol (2-1) no trofeo Vila de As Pontes e uns días despois ó Narón no Cadaval por 1-3.
O As Pontes mantén o bloque que tan boa campaña fixo a pasada tempada e atopouse cun Val que se está confeccionando e tan só presentou catorce xogadores a este partido.
O cadro pontés tardou só oito minutos en adiantarse no marcador por medio de Chicho e ós quince minutos Bossa, de penalti, ampliou a renda, resultado co que se chegou ó descanso
Na segunda parte o As Pontes repartiu mellor os esforzos ante o conxunto valexo que acusou o esforzo e tan só realizou un cambio. Ós poucos minutos de iniciarse este período David Amado marcaba o terceiro tras un centro de Pablo Domínguez e ós vinte minutos volvía a anotar, nesta ocasión a centro de Álex Cabarcos, xogador que creou perigo pola banda esquerda e que dispuxo de varias ocasións, pero a sorte non estivo da súa parte. Xa no minuto 85 Iván González redondeou a goleada. Sen embargo, antes os ponteses tiveron claras ocasións para incrementar o marcador, pero unhas veces os postes e outras a mala fortuna impedírono.
Na seguinte eliminatoria, oitavos de final, o As Pontes enfrontarase ó Laracha, novo equipo de Terceira División e o primeiro rival dos ponteses na liga, que nesta rolda venceu ó Club do Mar, de Caión, por 3-0. O partido dispútase o vindeiro mércores en campo larachés a partir das sete do serán.

FICHA DO PARTIDO
S.D. O VAL: Ángel, Baamonde, Felipe, Borja, Eloy, Botana, Félix, Pablo, Andrés, Álex Díaz (Iván, 75) e Iago.
CD AS PONTES: Kiko, Hugo, Fidi (Álex Cabarcos, 60), Pablo López, Pablo Domínguez, Aitor, Dani, David Amado, Bossa (Nano, 63), Sergio Arias (Santi, 60) e Chicho (Iván González, 46).
ÁRBITRO: Alberto Martinez Míguez, asistido por Caruncho e Carballal, da delegación de Ferrol.
GOLES: Min. 8 (0-1), Chicho. Min. 15 (0-2), Bossa, de penalti. Min. 53 (0-3), David Amado. Min. 65 (0-4): David Amado. Min. 85 (0-5), Iván González.
INCIDENCIAS: Partido dos dezaseisavos de final da Copa Deputación disputado no campo de Sinde ante uns 150 espectadores.
Máis información en http://aspontesenfeminino.wordpress.com/
























Nova cortesía de A.F.