[RTVEume] O Conservatorio de Música Profesional das Pontes está de estrea. Toda a súa oferta formativa, as novas do centro, a organización, e os seus proxectos poden consultarse a través do recén creado portal electrónico conservatorio.aspontes.org, a súa páxina web oficial. Esta web de contido unicamente educativo, pertencente ao Concello das Pontes pretende cumprir cun dobre obxectivo, por unha banda servir como vía de promoción do centro e por outra exercer como vínculo entre os membros da comunidade escolar. No Conservatorio de Música Profesional das Pontes impártense ensinanzas de grao elemental e profesional de ata doce especialidades, clarinete, frauta traveseira, guitarra, percusión, piano, saxofón, trombón, trompa, trompeta, tuba-bombardino, violín, e violoncello. Unha relación que se completa coa oferta de prazas nas especialidades de contrabaixo e viola, e con clases de iniciación á música para nenos e nenas dende os tres anos. O Centro dispón de biblioteca, seis cabinas de estudo para uso dos estudantes, aula polivalente, aulas para cada unha das especialidades e ofrece tamén aos seus alumnos e alumnas servizo de préstamo de instrumentos. Precisamente para aqueles estudantes que inicien a súa formación musical e que sempre poden acollerse a este servizo de empréstito, dende a páxina web pódense tamén descargar modelos de solicitude, e incluso de certificado de estudos. A páxina web complétase cunha axenda na que se poden consultar as actividades e datas de importancia para o centro, e mailos eventos destacados. Anoten pois conservatorio.aspontes.org, como páxina de referencia para calquera información relacionada co centro de formación musical da nosa localidade.
Novas
- NOTA DE PRENSA do BNG: As Pontes queda sen as axudas de transición xusta
- O ADESTRADOR PONTÉS MARCO ROCA PREMIADO NA GALA DO “DÍA DO ADESTRADOR” DA RFGF
- O PONTÉS ANTONIO POLO CONSIGUE DÚAS MEDALLAS NOS MUNDIAIS DE MARATÓN
- Dos de los cuatro grupos de la central térmica de Endesa cerrarán y los otros seguirán operativos de forma temporal
- TRAVESÍA DA COSTA AS PONTES 2022
- Xuntos por As Pontes – Setembro 2022
- MALENA MIERES FICHA POLO REAL BETIS FÉMINAS
- Teresa Ribera dice que no será necesario reactivar As Pontes “a no ser que haya una acumulación de catástrofes”
- Luz para As Pontes: Bruselas plantea subvencionar la producción con carbón
- La central de As Pontes no se cierra
Consegue en tempo real avisos de novos artigos no teu dispositivo, subscribete agora.
También podría gustarte
Comentarios