O vindeiro mércores, 11 de xullo, remata o prazo para inscribirse no maratón de fútbol sala Festas do Carme 2012, de As Pontes, que un ano máis organiza o Club Esteo FS, que nesta edición conta coa novidade da categoría feminina. O Club pontés conta coa colaboración da Deputación da Coruña e o Concello de As Pontes.
Na categoría masculina o prezo da inscrición é de 90 euros, mentres que na feminina son 50 euros. Ademais de trofeos, mil cincocentos euros será o premio en metálico para o gañador, 500 para o segundo e 150 para o terceiro e cuarto clasificados. En mulleres o campión recibirá 300 euros, 150 o subcampión e cincuenta o terceiro e cuarto clasificados.
Para máis información os equipos interesados poden poñerse en contacto coa organización nos teléfonos 679371472 e 687831106.
A competición desenrolarase na pista do colexio Santa María as xornadas do venres 13, sábado 14 e domingo 15. O sorteo realizarase o xoves 12 no pavillón municipal da Fraga ás 20:30.