O RÍO CHAMOSELO, CANDO ÍA LIMPO….

O río Chamoselo (Concellos de As Pontes e Xermade) é un dos principias afluentes do Eume, xa que gran parte da súa bacía receptora desapareceu a consecuencia da explotación mineira de ENDESA. (río maciñeira, almigonde, ponte da pedra, meidelo…). Dende un punto de vista faunístico destacan a Lontra e o Gato bravo. Tamén ten importancia como zona de desove do Pancho de río (Chondrostoma polylepis) peixe endémico do noroeste peninsular.

Calquera veciño que se achegue ao Chamoselo e mire para o río dirá: E non se ve o fondo!. Con toda a razón do mundo, pois é lamentábel o estado no que baixan as augas dende que comezaron as obras da autovía AG-64 Ferrol-Vilalba. Os propios veciños do Aparral xa denunciaron en repetidas ocasións estes feitos, mais o río segue a levar cada día máis cantidade de lodos. Lodos que, non habendo outra explicación, poderiamos localizar a súa orixe nas obras da autovía que se están a realizar a escasos metros deste cauce fluvial, así como do río Trimaz, pertencente o Lugar de Interese Comunitario Parga-Tamoga-Ladra que tamén se atopa no mesmo estado.

Guerrilleir@s das Fragas – FEG dirixiu escritos a: o Concello das Pontes, a Dirección Xeral de Conservación da Natureza e a Augas de Galicia, para que se depuren responsabilidades e se persigan os culpables, así como a posta en marcha dun plan urxente de recuperación dos cauces afectados.
Guerrilleir@s das Fragas – FEG fai un chamamento ós cidadáns das Pontes, para que poñan atención neste tipo de atentados ecolóxicos que, á larga prexudican a tod@s. Así mesmo, cumpre dar un toque de atención tamén aos nosos políticos locais, para que aparquen por un instante as eleccións e fiten o noxento estado no que se atopa o río Chamoselo.

Ríos que nos dán de beber, ajjj,…. Ríos que nos dán de comer, ajjj, ….
Ríos que nos limpan, ajjj,…. Ríos que nos lavan, ajjj, …..
Ríos que ferven o noso alimento, ajjjj, …..
E nós que lles damos aos ríos?
Lodo?
Canto máis?