O As Pontes recibe este domingo, 16:30, arbitrado por Iván Montero Piñeiro (Lugo), a un histórico coma o Betanzos.
O conxunto betanceiro é moi imprevisible. Comezou a Liga con dúas vitorias para logo encadear seis derrotas consecutivas, e recuperarse con vitorias de prestixio ante Ribadeo (3-1), Dumbría (6-0) e Sofán (1-2).
Sen embargo, voltou a perder a semana pasada, e cun dos equipos da zona baixa coma o San Tirso, que repetiu o seu mellor marcador da tempada, 0-3, o outro por desgraza fóra ante o equipo pontés.
Ten en Jesús Sayes (7), o ferrolán Artay Miraz (5), e Ramón Otero (4) ós seus máximos goleadores. Son decimo terceiros con 16 puntos, pero o As Pontes non pode buscar outra cousa que non sexa a vitoria, para encarar o encontro ante o líder na mellor situación posible.
Vellos coñecidos ambos equipos, e nos 16 encontros oficiais no Poboado, incluido o antigo Brigantium, 10 vitorias locais, por 3 empates e 3 triunfos visitantes.
No resto de categorías, o Xuvenil descansa nesta xornada, o Cadete xoga o xoves da semana que ven, o Alevín A non iniciará a segunda Liga ata a vindeira fin de semana, e rematan esta primeira fase os Benxamíns, e co derbi, ambos Prebenxamíns.
PREFERENTE
CD AS PONTES-BETANZOS CF (DOMINGO 26, 16:30)
FEMININO
CD AS PONTES-CF SAN SADURNIÑO (SÁBADO 25, 16:30)
XUVENIL
DESCANSA
CADETE
RACING SAN PEDRO-CD AS PONTES (XOVES 30, 17:30)
INFANTIL
SRD NUMANCIA DE ARES-CD AS PONTES (VENRES 24, 18:00)
ALEVÍN
RACING SAN PEDRO “C·CD AS PONTES B (VENRES 24, 18:00)
BENXAMÍN
SD O VAL “B”-CD AS PONTES A (VENRES 24, 19:00)
CD AS PONTES B-GALICIA DE MUGARDOS “B” (SÁBADO 25, 11:00)
PREBENXAMÍN
CD AS PONTES B-CD AS PONTES A (SÁBADO 25, 12:10)
Nova cortesía de Xose Ferreiro