PREFERENTE NORTE. CD AS PONTES 4 – SD FISTERRA 1
Goleada do As Pontes no debut na casa, nun encontro xa sentenciado no primeiro tempo
Rotundo triunfo do As Pontes no debut no Poboado tralo 1-1 en Ribadeo a semana pasada. O equipo local deixou o encontro sentenciado na primeira metade á que se chegou co 4-1 definitivo.
O venezolano Simigiani anotaba os dous primeiros goles tras rematar de cabeza e en plancha un servicio dende banda esquerda. Pese a que entremedias lograba igualar o equipo fisterrán cun golazo pola escadra de Aarón, outro tanto de Jaime a pase do propio Simigliani, e un cuarto de Rogerio, que remata a pracer un rexeite tras tiro ao poste de Michel, establecían o 4-1 definitivo.
E puideron ser máis tantos pois estrelaron un balón na madeira os propios Jaime e Rogerio. Xogaron Kike, Criado, Tijan, Javi M (Alberto Leira 64´), Montes, Traba, Rogerio (Samuel 85´), Jaime (Javi F 80´), Simigliani (David 68´), Espeso, Michel (Iago 68´).
Sétimos con catro puntos, próxima visita ao complicado Montañeros, un dos seis equipos que lideran con pleno de seis puntos.
Nova cortesía de Xose Ferreiro