PREFERENTE NORTE. CD CASTRO 0 – CD AS PONTES 3
Rotundo triunfo do As Pontes ante un dos grandes da categoría
Consegue en tempo real avisos de novos artigos no teu dispositivo, subscribete agora.
Gran vitoria do As Pontes no Arturo Pereiro na mañá deste domingo, na que venceu contundentemente ao Castro por 0-3.
Ademais de ser compañeiro de fatigas a campaña pasada na Terceira División, o equipo lucense foi o mellor clasificado dos catro descendidos, por diante de As Pontes, Dubra e Ordes.
Así que, dada a envergadura do rival, e despois de dúas derrotas consecutivas a domicilio ante equipos recén ascendidos, e logo do empate a semana pasada ante un dos últimos clasificados, o Xallas, o encontro de hoxe non se presentaba doado para o cadro pontés.
Pero o equipo azul puxo terra de por medio pouco antes do descanso, cun golazo de Bossa dende uns 40 metros que se colou por riba do porteiro e polo escuadro (35´), e outro de Dani (41´).
No segundo período, o aresán Quique estableceu o 0-3 definitivo (62´), para un conxunto que se sitúa a catro puntos do líder Paiosaco, pero que debe pensar xa no complicado compromiso da vindeira fin de semana ante o Ordes, para seguir remando cara os postos de arriba.
Polvorín ten trece, Arzúa e Dubra doce, e o Ordes once, sendo sextos con dez os de Marco Roca, empatados con Residencia, Sofán, Dumbría e Ribadeo.
Xogaron Paco, Criado (Ramos 61´), Alex, Roberto, Dani, Chis, Quique, Bossa, Eloy (Carba 82´), Fidi (Jaime 87´), Adrián (Pardo 53´),
Nova cortesía Xose Ferreiro. Foto cortesía CD Castro