[Cortesía de Antón e Xosé Ferreiro] Moi mala sorte tivo o cadro de Terceira División na súa vista a Ponteares no que os tres puntos eran vitais. Comezaron poñendose 0-2 gracias ós tantos de Sergio Arias e Hugo Soto, incluso os azuis mandaron tres balóns ós paus, pero ó borde do descanso e faltando cinco minutos os pontevedreses empataron cun gol en propia meta e o As Pontes perdeu dous puntos e situase decimocuarto con 12 puntos á espera da visita o martes dun complicadísimo Ourense que xogará ás 16 horas no Poboado nun encontro no que os locais precisarán do apoio do público.
Serio correctivo o que recibiu o segundo equipo xa que no duelo de filiais perderon 5-0 co Narón BP. A semana que ven tentarán amosar a súa calidade e valía na visita do líder Meirás. Son decimosegundos con 10 puntos.
O segundo xuvenil de Liga da Ría xogou un gran partido en Caranza ante o líder, no que acabou perdendo 2-1, marcou Tiny cun gran lanzamento de falta. Adiantaronse os locais, empataron os azuis, e no treito final nun barullo na área chegou o 2 a 1. Os azuis son novenos con 8 puntos e a semana que ven reciben ó Galicia de Mugardos que ten os mesmos puntos.
O cadete do tamdem Marcos Roca-Marcos Bouza marcha sensacional e suma 7 victorias en 7 encontros a falta do último e intrascendente encontro que ten que disputar contra o Racing San Pedro B. Onte golearon 8-0 ó San Sadurniño, curiosamente hai tres temporadas, con Enrique Fornos nos azuis, estes dous equipos tiveron unha disputadísima Liga que acabou do lado dos ponteses con 57 puntos por 55 dos laranxas. O triunfo de onte foi máis doado, por 8-0, con catro dianas de Ángel Rooney, dúas de Dieguito Filgueiras, un de David Rey e outro do gran capitán Iván Carballeira. Xogaron por parte local, Manuel, Alberto, Jandro, Caínzos, David, Hulk, Rey, Iván, Dieguito, Nahúm e Alex. Rooney sustituiu ó lesionado Hulk, que se retitrou coxeando, e despois entraron Brais Martínez, Roberto, Óscar e Ángel Prieto. Esta semana descansarán e o vindeiro día 11 xogarán co San Pedro B o último encontro de grupo antes de enfrontar as semifinais, que todo apunta a que serán Caranza-San Pedro e O Val-As Pontes.
Na Liga Alevín o As Pontes sumou a súa cuarta victoria consecutiva tras gañar 0-6 ó Meirás e marcha líder seguido polo Amistade de Meirás que nun duelo entre primeiros gañou 2-0 ó Caranza B. A semana que vén reciben ó Val B.
O Alevín B pola súa banda perdeu 2-4 contra o Eume Deportivo e a semana que ven visitarán ó Portuarios que conta os seus tres encontros por victoria. Goles de Javi Bermúdez e Jose Adega.
Gran triunfo do Benxamín A que venceu 1-3 ó Perlío B, que gañara todos os seus partidos ata o de agora, e suman así os seus tres primeiros puntos da temporada. Intentarán prolongar a racha contra o Amistade de Meirás, que marcha terceiro, no Poboado.
O Benxamín B pola súa banda perdeu 1-4 ante o Perlío, e complicado terán sumar o primeiro punto da tempada o sábado pois visitan ó líder Ánimas. Tanto, como non, de Joan.
Gran triunfo do Prebenxamín A, que suma dúas victorias, pero contundentes, 12-0 ó Galicia de Caranza D e 13-0 ó Cedeira B onte. A semana que vén visitan ó Portuarios. Os goles foron obra de Yadai e Mario, que fixeron un hat-trick cada un, dous de Íker e Lois, e un de Agustín, Isma e Hugo.
Sensacional primeiro punto que suma o Prebenxamín B que empatou a 2-2 co Ánimas en Ferrol, acudindo con 8 xogadores xustos. Marcou os dous tantos Alex Montero. A semana que ven xogan co Miño B.
