RESULTADOS DA FIN DE SEMANA DO CD AS PONTES

O segundo equipo perdeu 6-0 en Valdoviño ante o líder Meirás, ó marxe da contundencia do resultado, non é a súa Liga, o importante é vencer no Poboado o domingo ante un rival directo como o Barallobre. A parte de abaixo está comprimida con Neda e Somozas B 26, Narón BP e As Pontes 25, Barallobre 22 e Valdoviño 15.
O segundo xuvenil logrou unha axustada pero importante victoria ante o Cedeira (3-2), o campión da Copa do ano pasado. Comezaron situándose 2-0 os locais, tantos de Galego e Isma, pero os visitantes empataron a 2-2, ata que Saviola conseguiu o 3-2 definitivo quedando toda a segunda metade de por medio, pero o marcador non se moveu e o As Pontes é noveno con 27 puntos xogando para a semana en Ferrol contra o Aspirantes. Xogaron polos de Javi, Krikry (Jairo), Roca, Capela (Guino), Esteban, Gonza, Álvaro, Tiny, Keko, Picos, Isma (Lucho) e Galego (Saviola).

O equipo cadete perdeu 0-2 co líder Galicia de Caranza, que suma os seus 12 encontros por victorias. Puideronse adiantar os locais de penalti, pero dous goles no segundo tempo deron o triunfo ós de Ferrol. Son terceiros con 27 puntos, a 3 de Narón e a nove do líder. A semana que vén partido en Ferrol contra o Portuarios.










Victoria algo abultada do equipo infantil por 14-1 ante o Amistade de Meirás. Pouco máis se pode dicir dun encontro no que Ayrton e Josiño marcaron tres goles, por dous de Antón e Andrés, e un de Iago, Jose, Capela e Raquel. Quintos con 23 puntos a próxima xornada visitan ó Ánimas en Ferrol.














O Alevín A gañou 6-2 ó Narón BP C e celebrou a convocatoria definitiva de Malena ó Campionato de España (da que falaremos ó longo da semana) asentando a cuarta praza con 48 puntos, 49 ten o Caranza B, Perlío 55 e Eume B 60. A vindeira xornada visita a Ortigueira.
O Alevín B perdeu 12-0 ante o segundo clasificado EFR Ferrol C, e para o sábado recibe en casa ó cuarto clasificado Narón BP.
O Benxamín A venceu 7-0 ó Animas B, doblete de Adrián e Xan, e un tanto de Vicente, Nono e Santi. Oitavos con 29 puntos, visitan ó penúltimo, Narón BP C o próximo sábado tentando prolongar a súa racha de victorias.












O Benxamín B perdeu 11-1 contra o EFR Ferrol B que marcha terceiro, para o sábado xogan contra o Miño que marcha quinto no Poboado.
O Prebenxamín A empatou 1-1 en Cariño. Séptimos con 37 puntos, o vindeiro sábado reciben en casa ó EFR Ferrol, 21 victorias en outros tantos encontros nun partido digno de ver.
O Prebenxamín B perdeu 0-3 co Rápido de Neda, e duodécimos con 11 puntos para o sábado xogan contra o Numancia en Ares.


















Nova cortesía de Xose Ferreiro e A.F.