COPA GALEGA FEMININA: CD AS PONTES 4 ORZÁN SD C 0

Segunda victoria consecutiva do cadro feminino de Salido, o que o achega un pouco máis ó seu obxectivo de alcanzar a seguinte rolda. O partido xogouse nun horario moi desafortunado na súa elección, pois coincidía coa Carreira de San Xose.
Rápidamente se adiantaron as azuis cando tras unha cesión á porteira, esta mide mal, escapaselle o balón e antes de que chegue a córner, e case sen ángulo, Clara aproveita pra enviar ó fondo das mallas (14´).
Nun pase en profundidade no 28´, Alba Romero queda soa, e cun forte disparo cruzado dende o borde da área marca un golazo que entra polo pau contrario e subía ó marcador o tanto da tranquilidade (2-0).
Tras superar unha rival a Leti, Andrea Pita salvou baixo paus (33´), pero apenas un minuto máis tarde chegou á sentencia, Carlota fixo dous quiebros, pra un lado e pra o outro, como fixo o gran Amancio na final da Copa de Europa do 66, e con pouco ángulo mandou o balón por riba da porteira visitante que non puido chegar, nun tanto de bella factura.

No segundo tempo, no 60´, a capitana Jani lanza unha falta no borde da área, a porteira chega a rozar coas luvas, pero o balón vai moi ben lanzado e acabase colando (4-0).
Outra ocasión pra Carlota no 70´e outra pra Chipy no 87´ e un gol dubidoso anulado a Jani hacia o final, perante un equipo moi novo, e que a paesar do marcador xogou a un nivel moi aceptable os 90 minutos con rapazas que darán que falar no futuro.
Máis información en http://aspontesenfeminino.wordpress.com/
4 CD As Pontes. Leti, Andrea, Alba Romero (Chipy 59´), Jani, Silvia (Laura Permuy 63´), Clara (Carla 45´), Lía, Alba Barro, Noelia, Carlota, Mireia (Carmela 59´)
0 Orzán SD C. Kim (Andrea 85´), Iria, Soraya, Uru, Julia (Flor 69´), Cris, Rosa (Paula 59´), Sonia (Arancha 78´), Rocío, Ana, María.
Árbitro: Álvaro García (Ferrol).
Goles: 1-0, Clara (14´), 2-0, Alba Romero (28´), 3-0, Carlota (34´). 4-0, Jani (60´).
Campo e incidencias: Uns 50 espectadores no Campo do Poboado, moitos visitantes, por mor da desafortunada coincidencia coa Carreira de San Xose. Máñá moi chuviosa por momentos.













































Nova cortesía de Xose Ferreiro e A.F.