SEGUNDA DIVISIÓN GALEGA. CR FENDETESTAS 18 – MURALLA RC 21
Debut na casa dun equipo verde que perdeu nos últimos instantes
O equipo pontés do Fendetestas debutaba como local hoxe á mañá no Evaristo Puentes ante o Muralla de Lugo. Xa xogara na primeira xornada na que gañou ao Zalaeta 25-32, na seguinte descansou, e hoxe perdeu como local 18-21 conseguindo polo menos o bonus defensivo.
Puxose o encontro costa arriba ao pouco do comezo pois os lucenses situaronse 0-7, pero os verdes conseguiron dar a volta cun ensaio de Antonio, e posterior transformación, ademais de dous golpes de castigo, anotados por Roberto, que poñían o 13-7.
Pero noutro arreón visitante marchouse ao descanso con 13-14. Cun ensaio de Edgardo mediado o segundo período poñíanse os verdes 18-14, pero a falta de cinco minutos os da cidade da Muralla lograron alcanzar a zona de marca e selaron o definitivo 18-21, pese aos intentos locais nos últimos instantes.
Xogaron Jose (Adrián 22´), Ezequiel, Carlos (Harold 41´), Luis, Esteban, Rafael, Anxo (Lois 77´), Senen (Mariano 72´), Antonio, Vladi, David (Francisco 41´), Robert, Borja, Alberto, Edgardo (Xose 67´).
Lidera Zalaeta con 11 puntos, seguido de Muralla con 9, cinco teñen Campus Ourense, Fendetestas, Santiago e Barbanza, e pecha sen puntuar o Mareantes de Pontevedra, cidade que visitarán os verdes en dúas semanas.
Nova cortesía de Xose Ferreiro