Consegue en tempo real avisos de novos artigos no teu dispositivo, subscribete agora.
Na súa primeira visita a terras palentinas, o Esteo perdoou moito e ó final pagouno caro, derrota na pista do Guardo por 5-3, nun encontro que ó descanso os ponteses gañaban por 1-2. Dende un principio os das Pontes amosaban a súa superioridade levando a iniciativa e dispoñendo de numerosas ocasións de gol. Sen embargo, foron os locais os que ós tres minutos de xogo adiantábanse no marcador por obra de Raúl. O Esteo non se veu abaixo logrando darlle a volta ó marcador con goles de Rubi, que volvía despois de varias semanas de baixa, e Diego Pellón, resultado co que se chegou ó descanso.
No segundo tempo comezaba forte o Guardo pasando a dominar a situación. Ós once minutos deste segundo período empataban o partido con gol de Chuco e tres minutos máis tarde volven a poñerse por diante con tanto de Davicin. Nun penalti transformado por Rubi prodúcese a segunda igualada do encontro. O choque estaba moi igualado e xogado con moita intensidade e calquera podía gañar. Sen embargo, nun erro defensivo dos ponteses propicia o cuarto tanto local por obra de Chochi. Ó Esteo non lle quedaba máis remedio que ir a por todas e saca porteiro-xogador, pero o único que conseguiu foi encaixar o quinto tanto por mediación de Rubén.
Despois desta derrota o Esteo baixa á oitava posición e na vindeira xornada recibe no pavillón da Fraga ó Pizarras 3C, do Barco de Valdeorras, que é undécimo con tres puntos có Esteo. Un encontro que os ponteses teñen que gañar se non queren verse inmersos nos postos de abaixo, pois na seguinte xornada visitan ó líder Cidade de Narón, que descansou nesta xornada, e na seguinte correspóndelles descansar.
FICHA DO PARTIDO
RUEDA FS: Viti, Chuco, Davicin, Raúl, Chochi cinco inicial- Jonathan, Héctor, Kuin, Rubén e Beto.
O ESTEO FS: Choto, Gerveno, Fran, Rubi, Rober Paz cinco inicial-Héctor, Bolly e Diego Pellón.
GOLES: Min 4 (1-0), Raúl. Min. 9 (1-1), Rubi. Min 15 (1-2), Diego Pellón. Min 31 (2-2), Chuco. Min 34 (3-2), Davicin. Min. 36 (3-3), Rubi, de penalti. Min. 38 (4-3), Chochi. Min. 39 (5-3), Rubén.
ÁRBITROS: Antonio Navarro Rodríguez (Salamanca), Rubén González Lobato (Zamora) e na mesa María de la Torre Alonso (Palencia). Amoestaron a Chuco e Fran.
INCIDENCIAS: Partido de liga de Segunda División B disputado no pavillón municipal de Guardo (Palencia) ante uns 200 espectadores nas gradas.
Nova cortesía de A.F.