SEGUNDA DIVISIÓN FEMININA: CD AS PONTES 7 SD A BAÑA 0
Contundente triunfo do equipo feminino no primeiro encontro do novo ano 2013.
Tras unha ocasión de Carlota nada máis comezar, adiantouse o As Pontes con dous tantos consecutivos de Lía, a filla do gran Palotes, no 13´e 18´. No 31´, tras un centro de banda que non atina a coller a porteira aproveitase Carlota, que nestes primeiros 45 minutos fixo algunha diablura e algún tacón, chegando dende a banda esquerda para facer o 3-0.
Xusto antes do descanso incluso puido marcar Yaiza pero o seu disparo saiu a rentes do pau.
Nada máis comezar o segundo tempo a correcaminos Alba foise en velocidade pero disparou alto (46´). No 49´, dende o borde da área a pequena dos Cabarcos, Mireia, mandou un zapatazo que se colou pola escadra, facendo o 4-0.
Tras unha gran xogada por banda de Alba, a gardamallas non consigue reter o balón, e Paula, que deixou alguns destellos de calidade, a medio metro e coa porta baleira, enguedellouse e ó final unha defensa desviou a corner (51).
Tras un saque de falta lateral que bota a Capitana Dopico (58´), unha defensa despexa hacia atrás, e o balón acabase colando na portería (5-0).
Tiveron sen embargo as visitantes as súas oportunidades, e nun dos dous xogadóns dignos de Primeira División que fixeron, Gabriela mandou ó poste e logo Daniela en boca de gol mandouna fora (65´).
Tras un forte disparo de Lía no 72´, un minuto máis tarde, Vicky, que sempre sae de revulsivo coa caña preparada, aproveitase dunha indecisión da gardamallas visitante pra facer o 6-0, e no 83´ tras un xogadón de Carlota que regateou polo flanco esquerdo a catro rivais, acaba marcando Paulita o definitivo 7-0.
Aínda puido aumentar o cadro azul o marcador tras unha gran xogada de Alba, que se vai soa en carreira, pero volve a disparar por alto (86´).
Novena victoria e 27 puntos pra un As Pontes que afianza a quinta posición. Compricada visita a semana que vén a terras lucenses, visita á casa do segundo clasificado, Monte Forte.
Máis información en http://aspontesenfeminino.wordpress.com/
7 CD AS PONTES. Leti, Mireia (Andres 59´), Nuria, Sara (Carmela 45´), Silvia, Noelia Ameneiro, Lía, Patri Dopico (Vicky 59´), Paula, Carlota, Yaiza (Alba R 45´).
0 SD A BAÑA. Eva, Sheila (Gabriela 61´), Rosi, Rocío, Ana, Lidia (Lucía 78´), Daniela, Lucía Freire (Dolores 78´), Bea, Lucía Cobas, Marta (Estefania 71´).
Árbitro: Pita Lorenzo (Ferrol).
Campo e incidencias: Campo Anexo Jose. Uns 75 espectadores, en mañá de nubes e claros e moi chuviosa por momentos.
Goles: 1-0, Lía (13´), 2-0, Lía (18´), 3-0, Carlota (31´). 4-0, Mireia (49´), 5-0, Patri Dopico (58´), 6-0, Vicky (73´), 7-0, Paula (83´).
Nova cortesía de Xose Ferreiro e A.F.