SEGUNDA REXIONAL: CD AS PONTES 2 NARÓN BP 1

Sensacional, loitada e sufrida victoria do filial pontés no tempo de desconto ante o segundo equipo do cadro naronés no partido xogado hoxe nunha tarde con moito vento no Campo Anexo Jose. Segundo triunfo consecutivo pra Iván Rodríguez.
Tras chegarse ó descanso con 0-0, no segundo tempo viñase todo abaixo nada máis comezar cando un xogador visitante marcou tras quedar so e definir ante Juan (47´). Os locais reclamaron previa falta sobre Xabi Pellón.
A raíz de ahí os locais quedaron algo aturdidos e puideron sentenciar os visitantes tras unha boa combinación na que o seu dianteiro de cor queda so, e manda ó pau cando semellaba que o máis doado era anotar (58´).
A dez minutos do final, o recentemente fichado, o xogador da casa Fermín, mandou unha falta ó longueiro.

Nos últimos minutos o As Pontes fixo un arreón final, e tras un centro desde banda esquerda, Púas sen deixala caer manda ó fondo das mallas (87´). Inmediatamente despois tivo unha boa Guille, de tiro cruzado (88´).
Xa no final, tras un tiro de Borja, o balón queda morto na área pequena, co porteiro vencido, Criado chegando desde atrás non atina a marcar, pero o colexiado sinala penalti, e tras unha tensa espera, Adrián marca con temple no 93´, e a pesares de que o trencilla descontou ata os 97´, outorga tres puntos de ouro.
Ata que non haxa nada “oficial”, e como se acordou a principio de tempada, de Segunda Autonómica descenden dous equipos máis outro por arrastre do Cariño, e o As Pontes salvase momentáneamente, pois é cuarto pola cola. Somozas 26, Narón BP e As Pontes 25, Neda 23, Barallobre 22 e Valdoviño 15. Complicada visita ó segundo clasificado Meirás, que se está xogando a primeira praza co Cedeira, a semana que ven.
Xogaron Juan, Xabi Pellón, Fran, Alex Antón (Moya 45´), Carlos, Donapetry, Fernando (Guille 55´), Hugo Cascudo (Adrián Criado 75´), Fermín, Púas e Borja.

















































Nova cortesía de Xose Ferreiro e A.F.