SERGIO OTERO CLASIFÍCASE PARA A FASE FINAL COA SELECCIÓN GALEGA
Tras gañar nos penaltis os dous partidos.
A selección galega sub16 clasificouse para a Fase Final da Copa Coca Cola, que terá lugar en Torremolinos, do 10 ó 12 de Xuño, tras gañar este sábado nos penaltis os dous encontros que disputaron, en Portonovo.
No partido contra Asturias dominaron, e incluso tiveron un tiro ó longueiro, pero houbo que recorrer ós penaltis, nos que gañaron 4-3. Sergio disputou os 40 minutos.
Algo máis igualado estivo o encontro ante Cantabria, que se comezou adiantando, pero pronto empataba David Rojo. Ningún equipo conseguiu romper a igualdade e tivo que ser outra vez nos penaltis que venceu Galicia 6-5 e clasificaba á fase final, dado que o partido entre cántabros e asturianos tamén rematou en empate.
Nova cortesía de Xose Ferreiro