TERCEIRA DIVISIÓN: CD AS PONTES 1 PONTEVEDRA B 0

Tres puntos vitais para o As Pontes no partido xogado na tarde de hoxe ante o filial pontevedrés.
Rápidamente se puido adiantar o As Pontes no 8´ cando un gran David Amado fai un xogadón, cede a Jordi, e o remate deste é salvado polo gardamallas visitante in extremis. Tamén puido marcar Piñeiro tras saque de córner (35´) pero Sergio Ríos volveu a estar providencial. A mellor ocasión dos visitantes, no 42´, nun pase en profundidade do ex internacional español sub17 hai dous anos Gabi Misa no que Denis queda so ante Simón pero o seu tiro é moi frouxo.
Antes do descanso, o único gol do encontro, nun erro do Pontevedra B no medio, recupera o balón David Vidal, que cede en profundidade a Amado quen de forte disparo cruzado desde fora da área anota un golazo, dos psicolóxicos segundos antes de chegar ó descanso.

Nos seguintes 45 minutos o As Pontes foi a pola sentencia e asi no 48´ primeiro Schuster e logo Piñeiro estiveron a piques dentro da área, no 50´gran centro de Jordi e Iván remata fóra por pouco. No 68´ é Amado quen centra e Jordi dalle sen deixar caer o balón pero este vai moi centrado ás mans de Sergio. Entre medias a máis clara dos visitantes na segunda metade, quedou so Veloso ante Simón no 61´pero non soubo definir e mandouna fóra.
Pasaban os minutos e daba a sensación de que os azuis non conseguía sentenciar o encontro e que os prometedores pontevedreses podían empatar en unha ocasión aillada. Dentro do moito tempo que descontou o colexiado, trinta segundos no campo bastaronlle ó ex internacional español sub15, o pontés Dani Carballeira pra enviar un zapatazo ó longueiro que non entrou por escasos milímetros.
En definitiva victoria sufrida dun As Pontes que se sitúa na zona media da táboa con 27 puntos e a semana que vén visitará a un rival necesitado, o Portonovo.
CD AS PONTES. Simón, Rochela, Moncho, Chote, Diego Piñeiro, Dani, Iván González (Bossa 89), David Vidal (Felipe 80´), David Amado (Carba 92´), Schuster, Jordi.
PONTEVEDRA B. Sergio Ríos, Héctor, Alex Freire, Sarro, Arias, Gabi Misa (Javi Nogueira 52´), Carlos Campo, Currás, Veloso, Denis (Suso 85´), Martín.
GOLES: 1-0. David Amado. Minuto 45.
CAMPO E INCIDENCIAS. Campo de O Poboado. Uns 150 espectadores en tarde soleada pero fría.
ÁRBITRO: Cives Enjo (A Coruña). Auxiliado nas bandas por Taboada Daponte e García Rodriguez. Amonestou a Carlos, Freire, Piñeiro e Jordi.



























Nova cortesía de Xose Ferreiro e A.F.