Consegue en tempo real avisos de novos artigos no teu dispositivo, subscribete agora.
Segunda e sorprendente derrota do Esteo na súa pista da Fraga, a cuarta no que vai de campionato diante do Leis Pontevedra, equipo situado na zona baixa da clasificación e que acudiu a As Pontes con tan só oito xogadores. Está visto que os cambios de horarios non lle sentan ben ó Esteo. Un sorprendente tropezón, por outra banda merecido, pois o equipo pontés non deu unha a dereitas ó longo dos corenta minutos. A excesiva confianza que ultimamente amosan os xogadores ponteses e este sábado diante un rival a priori asequible pasoulles factura e ó final os tres puntos voaron cara Pontevedra. Os visitantes fixeron méritos para gañar nun partido no que pouco tiñan que perder. Amosáronse moi serios en defensa e con perigo nos ataques. Na primeira metade o Esteo controlaba o xogo, pero as ocasións máis claras serían para o conxunto pontevedrés. Sen embargo, a falta de quince segundos para o descanso o Esteo lograba o primeiro e o que ó final sería o seu único tanto do partido nun contragolpe que culminou Rubi. A segunda parte foi para esquecer, xa que os visitantes puxeron contra as cordas ós ponteses e a sorpresa da xornada comezou a fraguarse no minuto seis coa chegada do empate nunha gran xogada de Eloy. Posteriormente, xa co partido roto, chegarían dous tantos de Raúl para rematar a faena novamente Eloy a falta dun minuto para o final do partido. Un encontro que os ponteses deberán esquecer canto antes e tratar de recuperar os puntos perdidos a vindeira semana na que visitan ó pechacancelas Cafyd Pontevedra, que nesta xornada tamén deu a sorpresa ó gañar a domicilio ó 5-Coruña.
FICHA DO PARTIDO
O ESTEO FS: Choto, Gerveno, Gerardo, Fran, Rubi cinco inicial- Héctor, Bolly, Pellón e Pelu.
LEIS PONTEVEDRA: Miki, Martín, Sergio, Raúl, Miguel cinco inicial- Martinez, Eloy e José Manuel.
ÁRBITROS: Vilas Martínez e De la Iglesia Castelao (Santiago). Tarxeta amarela a Rubi, Martín, Sergio, Raúl e Martínez.
GOLES: Min. 20 (1-0), Rubi. Min. 26 (1-1), Eloy. Min. 33 (1-2), Raúl. Min. 37 (1-3), Raúl. Min. 39 (1-4), Eloy.
INCIDENCIAS: Partido da 22ª xornada de Terceira División de fútbol sala disputado no pavillón municipal da Fraga con pouca presenza de afeccionados, uns 100 espectadores nas gradas.
Nova cortesía de A.F.