TERCEIRA DIVISIÓN: CD AS PONTES 2 – RACING VILALBÉS 0
Sufrida victoria do As Pontes que o coloca momentáneamente na oitava posición, a dous puntos da fase de ascenso, pero que sobre todo casi certifica matemáticamente a súa salvación.
O encontro comezou cos dous equipos moi activos, como é propio dun derbi, pero sen grandes ocasións, polos azuis unha falta de Bossa (10´) e un disparo lonxano con boa intención de Pablo López (25´), e polos visitantes un disparo de Óscar Martínez (12´) e un remate a bocaxarro dentro da área de Borja que salva Kiko (15´).
Pero foi no último tercio da primeira parte cando o As Pontes puxo terra de por medio con un Iván González en estado de gracia. No 32´ unha gran internada de Dieguito e un pase en profundidade maxistral controlao Iván, que ante a saída e estirada de Jose Ángel bateo picandolle o balón. Cinco minutos máis tarde, o propio Iván en xogada persoal, lanza o balón desde uns 30 metros, e o seu zapatazo sorprende ó porteiro visitante e colase por alto, nun dos goles da tempada sen dúbida.
Puido pagalo caro o As Pontes no desconto, xa que tras un despiste do gran central Pablo López, quedou so co balón Hugo pero Kiko salvou co corpo e así chegouse ó descanso (46´).
Na segunda metade buscou o gol o cadro lucense, e o As Pontes recuaba, defendíase e daba a ventaxa por boa concedendo moitos córners, inetrnadas e foras de xogos en situación límite.
Estivo maxistral Kiko, que no 70´ salvou un man a man do recén saído Erni co sobrazo, e no 77´ un tiro cruzado de Óscar M. enviouno a córner, amén doutras paradas.
Tamén tivo as súas ó contragolpe o As Pontes, Dieguito en carreira prantase so ante Jose Ángel pero tira cruzado (69´), sensacional regateador e asistente o ferrolán, pero queremos que nos adique un gol antes de que remate a tempada. En unha xogada onde o balón quedou morto ó borde da área, o máis listo da clase, Cañizares, aproveitase, pero o seu disparo vai ó poste (83´), e unha sensacional falta de Bossa que iba á escadra desvíaa in extremis o gardamallas visitante a córner (86´).
Tamén David Amado fixo un xogadón no que lle sobrou un regate, e Kiko tivo que facer unha boa última intervención a un balón que viña con bote e colabase, pero non houbo tempo pra máis e o As Pontes levouse o derbi, polo mesmo resultado que o partido de ida a favor dos lucenses cos goles de Poratti e Nico.
A semana que vén compricada visita a un necesitado Negreira.
CD AS PONTES 2. Kiko, Rochela, Dani, Chote, Pablo López, Iván González (David Amado 82´), Dieguito (Cañizares (78´), Bossa, Eloy (Esmorís 66´), Sergio Arias, Pablo Domínguez.
RACING VILALBÉS 0. Jose Ángel, Mauro Poratti (Erni 69´), Alex, Pablo Vivero, Roberto, Borja, Hugo (Javi 75´), Make (Nico 57´), Dani, Justino, Óscar Martínez.
Campo e incidencias: Campo de O Poboado. Unhas 300 personas, gran afluencia de visitantes en tarde chuviosa por momentos.
Árbitro: Alejandro Del Río Amor (A Coruña). Auxiliado nas bandas por Blanco Rodríguez e Rama Rama. Amarela a Dani F., Pablo Domínguez e Dani.
Goles: 1-0, Iván González (32´), 2-0, Iván González (37´).
Nova cortesía de Xose Ferreiro e A.F