Consegue en tempo real avisos de novos artigos no teu dispositivo, subscribete agora.
Salvo unha catástrofe o Esteo é novo equipo de Segunda División B despois de gañar (4-6) este sábado na pista do seu máis inmediato perseguidor, o Pazos de Borbén, equipo que nunca se deu por vencido, pero que tivo que ceder os tres puntos ó mellor conxunto da categoría. O partido estivo igualado, sobre todo na primeira metade, cun Esteo que realizou unha boa defensa e bos combinacións en ataque, o que lle permitiu irse ó descanso coa mínima vantaxe de 2-3, con tantos materializados por Fran, en dúas ocasións, e Rubi. Na segunda parte, Rubi, o mellor dos ponteses, anotaba dous tantos en menos de doce segundos, o segundo nunha bonita vaselina, o que poñía o marcador moi favorable para os ponteses. Sen embargo, os locais sacan porteiro-xogador e acurtan diferenzas ata un perigoso 4-5. Pero, volve a saír a clase de Rubi, que rouba un balón a falta dun minuto e medio e chega só á portería local para marcar a pracer o sexto gol, o cuarto da súa conta particular, e sentenciar o encontro.
Na vindeira xornada, sábado 23 de abril, o Esteo recibe no pavillón da Fraga ó Rececende da Pontenova, que nesta xornada empatou na casa ante o 5-Coruña e ocupa a sétima posición con 42 puntos. De gañar este partido, o Esteo proclamarase matematicamente campión de liga e pode cantar o alirón diante dos seus afeccionados. Será un fito histórico no fútbol sala pontés, pois o Esteo pode lograr o primeiro título de liga recordando así ó histórico Autos Puentes FS dos anos oitenta e noventa do século pasado.
FICHA DO PARTIDO
PAZOS DE BORBÉN FS: Bizza, Jony, Lu, Lito, Cobo cinco inicial- José Santi, Borja e Esteban
O ESTEO FS: Choto, Pellón, Gerardo, Fran, Rubi cinco inicial- Héctor, Bolly, Héctor e Gerveno.
ÁRBITROS: Vázquez Castellanos e Crestelo Blanco (Ourense). Amoestaron ó local Bizza e a Pellón, do Esteo.
GOLES: Min. 1 (0-1), Fran. Min. 6 (1-1), Cobo. Min. 8 (1-2), Fran. Min. 14 (1-3), Rubi. Min. 19 (2-3), Lito. Min. 30 (1-4), Rubi. Min. 31 (2-5), Rubi. Min. 33 (3-5), Santi. Min. 38 (4-5), Borja. Min. 39 (4-6), Rubi.
INCIDENCIAS: Partido da 25ª xornada de Terceira División de fútbol sala disputado no pavillón municipal de Pazos de Borbén, ante uns 200 afeccionados nas gradas.
Nova cortesía de A.F.