Consegue en tempo real avisos de novos artigos no teu dispositivo, subscribete agora.
Trala primeira fase, esta fin de semana disputáronse no Campo Artificial os cuartos de final da Copa Pontesa de Veteranos. O único equipo que non foi da partida foi Transportes Seco Solano, derradeiro clasificado do primeiro grupo.
A primeira fase acababa a semana pasada co grupo primeiro encabezado por A Cepa con pleno de 12 puntos, seguido de Estanco Mari Carmen con 9, Santaballés 6, MMYPEM 3, e menos dous para Trasportes Seco Solano, eliminado ao ser o único grupo de cinco equipos.
No segundo grupo lideraron Muebles Eume e Taberna de Pancho con 7 puntos, a mesma diferencia de goles (+9), pero maior número de tantos anotados polos de Basoa (11 contra 10). Terceiro GTC Lecar con 3 e pecha sem puntuar Electricidad J&O.
Nos partidos desta fin de semana contundente triunfo de A Cepa sobre Electricidad J&O por 8-0, e máis axustados 3-1 de Taberna de Pancho ante Santaballés e Muebles Eume ante MMYPEM. O partido máis igualado desta primeira rolda eliminatoria foi o 2-1 de Estanco Mari Carmen ante GTC Lecar. Dentro de 15 días, semifinais, A Cepa contra Taberna de Pancho, e Muebles Eume contra Estanco Mari Carmen.
Nova cortesía Xose Ferreiro
Nova cortesía Xose Ferreiro