CLUB DEPORTIVO AS PONTES: RESULTADOS 15-16-17 /XANEIRO/ 2016

Terceira fin de semana de ano que viviu un empate do As Pontes no último suspiro, o que significa o seu primeiro punto en cinco partidos. Boas vitorias do xuvenil, cadete, feminino, e primeiro triunfo do infantil. Pola contra, escandalosa derrota do segundo equipo en Caranza, 10-0.

SEGUNDA AUTONÓMICA GALEGA (Ferrol)
SCDR GALICIA DE CARANZA – CD AS PONTES “B” (10-0)

Hecatombe do segundo equipo, que perdeu 10-0 en Caranza, algo que non se recorda por estes lares. Os ferroláns gañaban 6-0 ó descanso e 9-0 no minuto 57. Goles de Yeray Daza (4), Brais Martínez (3), Martín, Pedro Garrote e Yago Martínez.
Xogaron Rafita, Caínzos, Jandro, Darío, Manu, Totti, Nieto, Guille, Novo, Casas e Ruben, saíndo despois Diego, Alejandro, Jorge e Adrián. Toca olvidalo canto antes en pensar na visita do San Mateo, quinto, estando sétimos con 9 puntos.

PRIMEIRA GALEGA XUVENIL (D. Ferrol)
CD AS PONTES – EUME DEPORTIVO (7-0)

Moi ben o xuvenil que goleou a un rival de tronío coma o Eume (7-0), co que se sitúan cuartos con 12 puntos, por detrás do intratable Portuarios (21), aínda que máis preto están Numancia (15) e CD Narón (14). A vindeira semana visita ó colista Cariño.
Xogaron Manuel, Ángel, Jorge Rodríguez, Alex Cabarcos, Alex Blanco, Brais Blanco, Rey, Iván, Ayrton, Miguel e Jandro, saíndo despois Xose, Martín, Alex Pico, Andrés e Lino. Saiuse Miguel que marcou cinco tantos, por un de Xose e Andrés.

LIGA FEMININA F8 (D. Ferrol)
CD AS PONTES – FC ORTIGUEIRA (1-0)

Vitoria pola mínima do equipo feminino ante o Ortigueira (1-0), tanto de Paula Baamonde no final do primeiro período, e as de Pita que seguen en racha, xa con 32 puntos, na sexta praza, que afianzan, porque os postos de arriba están imposibles con EFR Ferrol (54), Maniños (44), San sadurniño e O Val B (43), e CD Narón (39).
Próxima semana visita ó penúltimo clasificado con catro puntos, Cebarca. Xogaron Leti, Yolanda, Uxía, Nuria, Indira, Vicky, Paula Castro, Carlota, Paula Baamonde, Yara, Yaiza e Xeila.

PRIMEIRA GALEGA CADETE (D. Ferrol)
EUME DEPORTIVO – CD AS PONTES (0-3)

Triunfo importante do cadete, 0-3 en Pontedeume, O encontro mantívose igualado ata o último tramo da segunda metade onde os tantos de Bruno, Alberte e Cazás, desnivelaron a balanza e fan que os As Pontes siga líder empatado co Portuarios a 19 puntos, seguidos de Eume e Numancia con 13. Partidazo a vindeira xornada no Poboado, As Pontes-Portuarios.
Xogaron Nesi, Alex López, David, Fraga, Bruno, Javi, Carlos, Chema, Dani, Alberte, Alex Barro e no segundo tempo Pani, Mateo, Cazás, Manuel e Andrei.

PRIMEIRA AUTONÓMICA INFANTIL (D. Ferrol)
CD AS PONTES – CCRD PERLÍO (4-0)

Gran triunfo do infantil que se estrea con tres puntos no grupo dos mellores tras unha contundente vitoria ante o Perlío (4-0). Dous tantos de Xan, e un de Vicente e Nono.
Xogaron Edgar, Nono, Antonio, Iván, Santi, Xan, Manuel, Javi, Eyob, Vicente, Adrián e logo xogaron Juan, Dani, Xoel, Marcos e Joao. Oitavos con tres puntos visitan a semana que vén o CD Narón, cuarto con nove.

PRIMEIRA CATEGORÍA ALEVÍN (D. Ferrol)
CD AS PONTES – SCDR GALICIA DE CARANZA “B” (4-1)
Gª MUGARDOS “B” – CD AS PONTES “B” (3-3)

O Alevín A gañou 4-1 ó Galicia Caranza B, tantos de Alejandro López, Samuel Seco, Sergio Da Silva, e un en propia meta. Son terceiros con 7 puntos antes de visitar ó Rápido de Neda B, penúltimo. O Alevín B pola súa parte empatou 3-3 na súa visita ó Mugardos B, con dous goles de Alex Montero e un de Eloy Pita. Cuartos con 8 puntos reciben ó Animas B, oitavo.

PRIMEIRA CATEGORÍA BENXAMÍN (D. Ferrol)
SCDR GALICIA DE CARANZA – CD AS PONTES (3-2)
CD AS PONTES “B” – O FREIXO NARÓN “B” (3-2)

O Benxamín A perdeu 3-2 en Caranza, goles de Anxo Blanco, de penalti, e Xandre Fernández, afianzándose os ferroláns no liderato xunto ó Val C e Cebarca, quedando os azuis cuartos con 6 puntos. Precisamente os azuis recibirán ós valexos. O Benxamín B gañou 3-2 ó Narón Freixo B, con tantos de Diego Lozano, de penalti, e Destaw Pellón. O primeiro en propia meta. Quintos con 3 puntos visitan ó Eume B, oitavo.

PRIMEIRA CATEGORÍA PREBENXAMÍN (D. Ferrol)
SCDR GALICIA DE CARANZA – CD AS PONTES (1-0)
CD AS PONTES “B” – CD NARÓN “B” (3-2)

O Prebenxamín A perdeu 1-0 en Caranza cun tanto que chegou nos últimos minutos. Cuartos con 6 puntos, reciben ó perigoso Neda, segundo, e que xa lles gañou os dous partidos na primeira fase. Vitoria do Prebenxamín B, 3-0 ante o CD Narón B, co que seguen líderes empatados a 12 puntos co Barallobre. Goles de Lucas Blanco, Xandre Domínguez e o outro, moi propio destas categorías, tamén en propia meta. Próxima visita ó complicado Ortigueira que ten 9 puntos.

Nova cortesía de Xose Ferreiro e A.F.