A Liga Provincial de Piragüismo no Lago de As Pontes
O pasado sábado 3 de agosto o club de piragüismo Grupo Xuvenil-Matojoma e a Federación Galega de Piragüismo, coa indispensable colaboración do Concello de As Pontes, organizou a 3ª regata da Liga Provincial da Coruña no Lago de As Pontes.
Consegue en tempo real avisos de novos artigos no teu dispositivo, subscribete agora.
As regatas desta liga están pensadas para introducir na competición ás categorías de promoción, dende prebenxamín a cadete en embarcacións individuais e dobres e, nesta ocasión desprazaronse a As Pontes máis de 320 deportistas dos seguintes clubs:
CLUB CABANAS KDM
CLUB DE PIRAGÜISMO RIBEIRAS DO TAMBRE
CLUB DE PIRAGÜISMO TAXAMAR
CLUB DEPORTIVO NÁUTICO DE MIÑO
CLUB NÁUTICO FIRRETE
CLUB PIRAGÜISMO NARÓN
CLUB PIRAGÜISMO RIANXO-CONCELLO DE RIANXO
CLUB PIRAGÜISMO RÍAS BAIXAS-BOIRO
CLUB RÍA DE BETANZOS
GRUPO XUVENIL-MATOJOMA
SOCIEDAD DEPORTIVA AS XUBIAS
Por equipos a victoria foi para o Club Náutico Firrete de Pontedeume, seguido polo Náutico de Miño e o Ría de Betanzos. O equipo local rematou na 5ª posición gracias aos seguites resultados:
• En k1 home cadete David García e Fran Gabeiras remataron 26º e 32º, na mesma idade pero en k2 Antón García e Lucas Valle foron 6º.
• En k1 home infantil Lois Barcelo foi 14º, en home alevín-B Ferán Pena, 13º, en benxamín k1 Xalo Romero, Diego Expósito e Xalo Cascudo ocuparon os postos 7º, 13º e 19º; en prebenxamín competiron Daniel Ferro e Tuán Cendán que remataron 7º e 10. Na categoría muller cadete k1 Celia Durán fíxose coa victoria o mesmo que fixeron Ada Fernández e Inés Domínguez pero en k2 infantil-A. Tamén en muller, pero neste caso infantil-A en k1 Antía Nuria Rodríguez foi 5ª, Leticia Niebla rematou 5ª en alevín-A k1 e Antía García foi 3ª en k1 Alevín-B e Carmen Alén e Nerea Tojeiro remataron 2ª no k2 alevín -B.
Dende o club queremos agradecer a colaboración tanto económica como do persoal do Concello de As Pontes, Club de Vela Fluvial de As Pontes, Protección Civil de As Pontes, Matojoma-GrupoTú, a todos os clubs da provincia da Coruña e, sobre todo aos socios que axudaron na organziación e aos nenos e nenas que participaron na competición, que para moitos de eles era a primeira vez, esperamos de moitas.
Nova cortesía do Grupo Xuvenil Piragüismo As Pontes