Convocouse un ano máis, por parte da Federación Galega a Liga Galega de Equipos de Clube. Neste 2012 o Clube Sílex fíxose cargo da súa organización colaborando coa FGTA. O lugar onde se celebrarán os encontros será no pavillón municipal da Fraga.
As dúas primeiras xornadas serán de fase clasificatoria, mentras que na terceira e definitiva levaranse a cabo as fináis para desputar o título. O sábado 13 de outubro ás 17:00 comezará este novo
campionato que retomará a primeira fase o domingo 4 de novembro ás 10:30. As fináis quedaron dispostas para o sábado 17 de novembro ás 17:00 horas. O acceso ao pavillón é gratuíto e quen pase por alí poderá desfrutar dunhas das competicións máis vistosas e dinámicas das que se desputan en tiro con arco en sala.
En canto aos equipos participantes este ano son menos os que formarán na pista o primeiro día.
Doce equipos na modalidade de arco recurvo, repartidos en dous grupos de seis, que faran enfrentamentos directos entre eles para ir conformando as táboas da fase clasificatoria. O Sílex presenta un equipo co que loitará por un posto no podio, formado por Miguel Alvariño, Carlos Romero, Javier Vázquez, Pablo López, Daniel Castro e Cristina Castro. Amáis preséntanse equipos dos seguintes clubes: Arco Ferrol, Arco Muralla, Arco Narón, Arqueiros da Chaira, Arqueros de Cambre, Arc-Teixo, Clube Universitario da Coruña, e Lucus Augusti.
Na división de arco tradicional, que en edicións pasadas si deputaron a Liga Galega, nesta ocasión non poderán facelo. É debido a que non se chegou ao número mínimo de equipos participantes nesta división para que este campionato se celebre.
Normativa que regula a Liga Galega de Equipos
Convocatoria do campionato
Listado de equipos inscritos na liga 2012
Nova cortesía do Clube Sílex