As Pontes 74 e Farmavida clasificados para semifinais. As semifinais e final dispútanse o sábado 26
Santaballés e Mobles Eume son os outros semifinalistas da copa de fútbol-7 de veteranos logo dos seus triunfos sobre La Galaxia e Construcións Guerreiro. Nun gran partido o Santaballés remontou un 2-0 en contra para acabar gañando por un claro 2-4 nun encontro que xogou cos homes xustos. Pola súa banda, Mobles Eume deu boa conta de Construcións Guerreiro ó que goleou por 3-0.
Os outros tres encontros foron de puro trámite, con vitoria de Farmavida sobre Maren por 4-1, Cafetería Bahía superou a MMYPEM por 3-0 e a goleada da xornada logrouna As Pontes 74 ante A Cepa por 6-1.
Clasificación final grupo A: 1º As Pontes 74, 13 puntos; 2º, Santaballés, 11; 3º La Galaxia, 9; 4º, Cafetería Bahía, 7; 5º A Cepa, 3; 6º, MMYPEM, con cero puntos.
Clasificación final grupo B: 1º Farmavida, con 10 puntos; 2º Mobles Eume, 9; 3º Construcións Guerreiro, 5; 4º Xuntanza, 4; 5º Maren, con cero puntos.
As semifinais e final disputaranse este sábado. Ás once da mañá (11:00) enfrontaranse As Pontes 74 e Mobles Eume e a continuación (12:00), Farmavida e Santaballés. A final disputarase o mesmo día ás seis do serán (18:00) entre os vencedores das semifinais.
19/20 Maio – 2012
M. Eume C. Guerreiro (3-0)
C. Bahía – MMYPEM (3-0)
La Galaxia – Santaballés (2-4)
Farmavida – Maren (4-1)
A Cepa As Pontes 74 (1-6)
Descansou: Xuntanza
SEMIFINAIS E FINAL
Sábado 26 Maio 2012
CAMPO DE DEPORTES DO POBOADO (Fútbol-7)
As Pontes 74 Mobles Eume (11:00h)
Farmavida – Santaballés (12:00h)
FINAL (18:00h)
Nova cortesía de A.F.