CLUB DEPORTIVO AS PONTES: RESULTADOS DO 1 DE MAIO DE 2013

O CD AS PONTES INFANTIL CLASIFICADO PARA DISPUTAR A FASE DE ASCENSO Á LIGA GALEGA
C.D. As Pontes – Eume Deportivo (3-1)
O conxunto infantil do Club Deportivo As Pontes clasificouse matematicamente para disputar a fase de ascenso á liga galega despois do seu triunfo sobre o Eume Deportivo por 3-1 nun partido moi disputado pero con maior dominio pontés. Comezaron marcando os ponteses no minuto 28 por mediación de Alberte. Sete minutos despois empatou o Eume, resultado co que se chegou ó descanso.
A pouco de comezar o segundo tempo Andrés pon por diante ó As Pontes e no minuto 23 Jandro estableceu o resultado definitivo de 3-1 a prol dos ponteses. Un triunfo que os confirma na segunda posición, pase o que pase nas dúas xornadas que restan para o final de liga, pois superan en seis puntos ó terceiro clasificado, Portuarios, ó que o As Pontes gañou os dous partidos (3-0 no Poboado e 1-2 en Ferrol).
O As Pontes aínda ten posibilidades de acadar o título de liga co que rematarían a temporada cun histórico dobrete; pero, para iso teñen que vencer ó Val e Ortigueira e que o Racing de Ferrol perda un dos dous compromisos que lle quedan ante Galicia de Caranza B e Cultural de Maniños.
O As Pontes aliñou de inicio a Lino, Cazás, Manu, Esteban, Martín, Jorge, Andrés, Ayrton, Alberte, Sergio e Josiño. No segundo tempo entraron Malena, Diego Criado, Andrián, Jandro e Antón. O As Pontes recibe este sábado no Poboado ó Val.

PRIMEIRA AUTONÓMICA CADETE: C.D. As Pontes – Eume Deportivo (2-0)
Importante vitoria do equipo cadete, que na tarde de onte superou ó Eume Deportivo por dous goles a cero nun partido tenso e moi disputado, a veces con xogo brusco. A iniciativa sempre foi do As Pontes, que ós 38 minutos lograba o primeiro gol por obra de Fernández a pase de Roberto. Na segunda parte houbo ocasións para os dous equipos, pero tan só subiu unha ó marcador. Sería David Rey quen poñería o 2-0 definitivo no minuto 38 deste segundo tempo.
Polo As Pontes xogaron: Ángel, Alberto (Brais M.), Jorge, Álex Blanco, Caínzos, Iván, Fernández, Brais B, David Rey (Álvarez), Nahúm (Iago) E Roberto (Raquel).
O As Pontes segue na terceira posición con 47 puntos, a dous do Val, que é segundo. O Galicia de Caranza, primeiro, xa está clasificado para disputar a fase de ascenso á liga galega. O As Pontes ten posibilidades de acceder a esta fase sempre que gañe os dous partidos que lle quedan ante Maniños, no Poboado, e Meirás no Misael Prieto e que o Val non puntúe nun dos dous partidos, ben ante Ánimas na vindeira xornada ou na derradeira recibindo na casa ó líder Galicia de Caranza.












CATEGORÍA ALEVÍN F-8
C.D. As Pontes – Narón BP (2-1)
U.D. Cebarca – C.D. As Pontes B (2-2)
Xornada positiva para os dous equipos alevíns. O conxunto A gañou pola mínima (2-1) no Poboado ó Narón BP Piñeiros. Marcaron polo As Pontes Javi e Mateo. O As Pontes ocupa a sétima posición con 21 puntos, mentres que O Val e Galicia de Caranza B son primeiros e xa están clasificados para a fase provincial.
Pola súa banda, o As Pontes B empatou a dous goles na Barqueira diante do Cebarca. É sexto con 26 puntos nunha liga que lideran, con 41 puntos, Eume Deportivo B e Galicia de Caranza E.












CATEGORÍA BENXAMÍN F-8
C.D. As Pontes – Gª Mugardos (4-2)
C.D. San Sadurniño – C.D. As Pontes B (0-4)
Pleno de vitorias na categoría benxamín, co As Pontes A, que rubricou na casa o recen conquistado título de liga ó vencer ó Galicia de Mugardos -cuxos xogadores fiexeron corredor ós ponteses polo título de liga- por catro goles a dous nun partido que comezaron perdendo pero que ó final lograron gañar con goles de Javi, en dúas ocasións, Manuel e Joan. Na derradeira xornada o As Pontes visita ó Racing de Ferrol B, penúltimo con 17 puntos.
Pola súa banda, o conxunto B gañou con claridade (0-4) en San Sadurniño con goles de Samuel, Agustín, Lois e Hugo. Ocupa a oitava posición con vinte puntos e na derradeira xornada recibe no Poboado ó Miño, terceiro.















Nova cortesía de A.F.