Comeza o proxecto kanguras de Cáritas

Dende hoxe mesmo, luns día 29 de xuño ata o vindeiro luns día 6 de xullo está aberto o prazo para inscribirse no Servizo de Atención á Infancia do Proxecto Kanguras, desenvolvido por Cáritas Diocesana de Mondoñedo-Ferrol. Dito servizo é un espacio de tres horas e media diarias, de luns a venres en horario de tarde (de 16.30 a 20.00 horas) onde se realizarán obradoiros artísticos, expresión musical, reforzo escolar, animación á lectura, psicomotricidade, etc, guiados por persoal especializado. Está destinado exclusivamente a nenos e nenas de familias monoparentais de entre 3 e 12 anos, e pretende axudar na conciliación da vida laboral e familiar.

A inscripción e asistencia son totalmente gratuítas.
Para inscribirse, poden empregar as seguintes vías:
Chamar aos teléfonos: 981 35 23 39 ou 690 815 431
Acudir ás oficinas dos servizos sociais do Concello de As Pontes.