O CD As Pontes conta a día de hoxe con 16 xogadores no primeiro plantel, trala incorporación nos últimos días de Alex Cabarcos, que regresa procedente do Racing Vilalbés, e Quique, centrocampista aresán de 20 anos que o ano pasado xogou no Galicia de Mugardos, no que participou en 32 encontros, con catro goles anotados.
A día de hoxe, o adestrador Marco Roca, e aínda que algúns futbolistas poden xogar en varias posicións, dispón do porteiro Paco, no centro da zaga Diego Rego, Roberto Rodríguez e Jandro, e laterais Alex e Criado.
O centro do campo é a zona máis poboada, con Dani, Chis, Fidi, Bossa e Jaime de medios centros, Troncho e Quique de medias puntas, e o extremo Pablo Ramos. Na punta de ataque estarían Pardo e Eloy Díaz.
Agárdanse polo menos unhas tres incorporacións máis, para chegar a 19, ademais dalgúns rapaces da canteira que previsiblemente farán a pretemporada co primeiro equipo.
Nova cortesía de Xose Ferreiro