Inscríbete nas Xornadas Galego-Lusófonas de Sw Libre do Porriño

Lendo agnix.org:
“Do 30 de novembro ao 3 de decembro 2006 celebraranse no Concello do Porriño as I Xornadas Galego-Lusófonas de Software e Coñecemento Libres promovidas e organizadas por AGNIX e co total apoio e implicación do actual goberno do concello. Podes inscribirte de balde aquí ou tamén premendo no banner.”…

…”O evento ten un atractivo programa que xirará ao redor de seis mesas temáticas e obradoiros técnicos, para os que contará cunha moi ampla participación de personaxes relevantes. Nesta ocasión haberá xentes do Brasil, Portugal e Galicia xa que a lingua é un dos motores das xornadas. Pénsase ter representantes da diáspora galega, principlamente de Hispanoamérica, en vindeiras ocasións.
As xornadas contan co apoio de GALPon, Mancomun.org, Direción Xeral de Promoción Industrial e Sociedade da Información da Consellería de Innovación e Industria, CESGA e mailo Xacobeo.
Ata a súa celebración amosaremos polo miúdo moitos máis detalles. “…
Fonte: agnix.org