IRMANDADE AS PONTES-LESNEVEN-CARMARTHEN: CURSOS DE FRANCÉS E INGLÉS 2013/14

Continúa aberto o prazo para inscribirse nos cursos de francés e inglés que organiza a Irmandade As Pontes-Lesneven-Carmarthen. As clases serán de iniciación e perfeccionamento e van dirixidas a escolares e adultos.
As de lingua francesa, que tiveron o seu inicio no ano 1992, serán os luns e mércores (de 20,00 a 21,30) e as de inglés, os martes e xoves, tamén de 20,00 a 21,30, e serán impartidas no edificio de cultura “Casa Dopeso”. Requírese un mínimo de seis alumnos por clase.

O inicio dos cursos está previsto para o vindeiro 1 de outubro as de inglés e o mércores 2 as de francés. Para inscrición e máis información os interesados poden facelo ó correo-e irponlescar@hotmail.com ou chamar, antes do 30 de setembro, ó teléfono 662.393.596.
A Irmandade pontesa tamén está a traballar no próximo intercambio coa cidade de Lesneven, que será na cidade bretoa na primeira quincena de agosto de 2014. Sinalar que dende 1991 lévanse realizado trinta e un encontros de cidadáns europeos, máis os intercambios escolares, cunha participación que supera as 1.600 persoas.