O piloto pontés Ismael Vega Balseiro conseguiu este sábado o Campionato Galego Junior tras sumar a cantidade de puntos suficiente pra resultar inalcanzable pra o segundo clasificado, a falta de unha proba pra o remate do campionato.
Nun circuito no que brillaron con luz propia o piloto local Román Pérez (foto), varias veces campión galego e tamén do Campionato de Portugal e o canario Miguel de la Rosa, disputaronse dúas mangas en cada unha das cinco categorías, alevín, cadete-xuvenil, veteráns, promoción e Senior-Junior. Ismael Veiga, que competía nesta última, acabou terceiro na primeira manga por detrás de Pérez-De la Rosa, primeiro dos junior, e na segunda manga, a pesar de saír último remontou ata acadar a quinta posición.
Na clasificación xeral do Campionato Junior, Ismael suma 257 puntos, por 181 do segundo clasificado David López, co que a falta dunha proba e 50 puntos por disputar, xa é o campión oficial, un ano máis.
Por si esto fora pouco, a pesar de contar con tan so 17 anos, é tamén segundo no Campionato Senior, 385 puntos suma o inalcanzable Adrián Garrido, 257 Ismael e 223 o canario de la Rosa. A pouco que o faga ben na última proba garantizará esa segunda posición.
Nova cortesía de Xóse Ferreiro