LIGA GALEGA XUVENIL. CD AS PONTES (0) – MONTAÑEROS B (0). DEBUT DO EQUIPO INFANTIL
Empate a cero no debut do CD As Pontes Xuvenil na Liga Galega no encontro disputado onte sábado no Anexo do campo do Poboado, na apertura da Liga na que se enfrontaban dous equipos que descenderon o ano pasado de Liga Nacional, os azuis e os coruñeses.
Mereceu o As Pontes a vitoria, xa que na primeira metade o dianteiro de Cerdido Javi tivo algunhas ocasións e na segunda metade as máis claras foron de Sergio Criado en boca de gol no 65´ e Javi de tiro cruzado no 72´. Pero sen embargo o marcador quedou en táboas e os dous equipos repartÍronse os puntos. Salientar a rigorosa expulsión de Ismael Prieto Palas no 82´.
No cadro local debutaron as fichaxes Reina, Fabio, Borja e Damián.
O Lugo B, que venceu 5-1 ó Conxo B de Santiago, é o primeiro líder. Precisamente os azuis visitan ós santiagueses a semana que vén.
Carballo xogou con Reina, Gogas, Palas, Beto, Marcos Otero, Fabio, Marcos (Diego 84´), Chungui, Borja (Isma López 60´), Javi e Sergio Criado (Damián 73´)
O Infantil dirixido por Iván Rodríguez debutou tamén onte na Copa ante o Eume Deportivo e perdeu 0-5 ante o gran equipo dos de Pontedeume, sendo ademais a maioría do seu plantel de segundo ano. No outro encontro de grupo o Narón B venceu 7-0 ó Cultural Maniños, equipo ó que visitarán precisamente a semana que vén.
Nova cortesía de Xose Ferreiro e A.F.