Nota de prensa XPAP: Posición de Xunt@s por As Pontes en relación á NON dimisión do Concelleiro de Infraestructuras

A posición de Xunt@s por As Pontes é clara e sinxela: cometeu unha infracción urbanística, tramitouse un expediente que concluíu coa imposición dunha sanción GRAVE, o Concelleiro debe dimitir. Por responsabilidade e por ética.

Dende esta plataforma consideramos moi grave que un concelleiro, especialmente o de infraestructuras, realice obras na súa vivenda sen as licencias oportunas. Unha persoa que desempeña tal cargo debería, como mínimo, aterse á legalidade urbanística vixente e dar exemplo.

De especial gravidade tamén, que as obras se realizasen nunha vivenda do Poboado das Veigas, un poboado construído por Endesa e para o que o propio equipo de goberno promove a súa preservación segundo a construcción orixinaria, conservando así o seu valor como patrimonio industrial. As obras non ían encamiñadas a mantemento da vivenda, senon a ampliala contravindo a estructura orixinaria do Poboado.

Por último, o que nos parece un verdadeiro escándalo é o apoio de todo o equipo de goberno á actuación do Concelleiro, amparado tamén pola figura do Alcalde e Presidente da Deputación. Asistimos a dimisións de ministras do PSOE pola realización dun máster, mais nas Pontes, o mesmo PSOE ampara a figura dun concelleiro que realizou obras infrinxindo a legalidade urbanística vixente.

As Pontes, 13 de setembro de 2018

Máis información en www.xuntosporaspontes.com