O Concello das Pontes organiza un campamento infantil en inglés

[ElProgreso] O Concello das Pontes, mediante o departamento municipal de Servizos Sociais, organizará o próximo mes de xuño un campamento de inglés no albergue xuvenil Area de Viveiro.

A iniciativa, que se desenvolverá os días 24, 25 e 26 de xuño, está dirixida aos alumnos e alumnas de primaria e secundaria da localidade, que durante este curso participaron nas clases de inglés impartidas a través do programa Apertura de Centros Fóra de Horario Escolar.
O número de prazas ofertadas será dun total de 37 e o seu prezo é de dez euros por estudante e inclúe o transporte de ida e volta, a estancia e a manutención, ademais das actividades que se desenvolverán no propio campamento, todas en inglés.
A saída está programada para as 11.00 horas desde a casa consistorial e o regreso ás Pontes efectuarase o día 26 ao mediodía.