Este pasado domingo celebrouse a III Coruña 42, a Maratón Atlántica. Case 3000 participantes na proba entre os corredores da maratón e a proba paralela de 10kms.
Climatoloxía perfecta ás 9:00 da mañá coa saída da maratón, o que apuntaba moi boas marcas para os 42.195 kilómetros, aínda que posteriormente levantouse o vento, o que dificultou os últimos kilómetros da proba.
Vitoria contundente na proba de Rafael Iglesias baixando de 2 horas, 16 minutos, tempo insuficiente para lograr a marca mínima que buscaba para o Campionato de Europa a disputar en Zurich. En féminas a gañadora foi a debutante Sonia Teijeiro uns minutos por riba de 3 horas, tendo a proba un total de 943 corredores que chegaron á meta.
No apartado pontés obtivéronse os seguintes resultados:
Suso Blanco, do Club Castro de Lobadiz (intentando a súa incorporación ó Olympo) foi o primeiro pontés, chegando no posto 169 da xeral cun tempo de 3:10:07
Sito Vilasuso, do Club Atletismo Olympo, chegou no posto 179 cun rexistro de 3:11:35, moi preto da súa marca persoal.
Jose Antonio Tembrás (Chufi), do Club Castro de Lobadiz (tamén intentando a súa incorporación ó Olympo) con 3:17:08 chegou no posto 256.
Lorenzo Graña, do Olympo e debutante na proba fixo un gran rexistro de 3:30:56 para acadar o posto 429 da xeral, o que ten un gran mérito xa que chegaba lesionado á proba, o que non lle impediu ir parte da carreira tirando da lebre portadora do globo das 3 horas 15 minutos.
Noraboa ós catro, compañeiros de fatigas, que tantos e tantos kilómetros levan xuntos preparando as carreiras, adestramentos duros, horas de viaxes, lesións, sufrimento, esforzo, satisfacción, orgullo e moitas cousas máis que poden amosar o que levan vivindo estos catro fantásticos.
Pero non quedou na maratón a xornada. Os maratonianos estiveron moi ben secundados polos atletas que correron a proba de 10 kilómetros, cuns fantásticos resultados:
Miguel Vilaboy foi o primeiro atleta do clube en cruzar a meta, cun fantástico tempo de 38:44. Sendo o único representante sub 40 nesta xornada, e chegou no posto 86 da proba xeral.
Susana Bellas, foi a primeira muller do clube, facendo unha fantástica carreira, como xa nos ten acostumados, logrando un tempo de 43:53 e sendo 287 da xeral.
Virginia Polo, mellorando o seu rendemento tras uns problemas físicos, logrou chegar a meta sub 45 cun rexistro de 44:47 e sendo 342.
Jose Varela foi o 408 da proba xeral cun rexistro de 45:54
Emma Martínez, acada un tempo de 52:13 para ser a 873 da xeral
David Cardeña, logra o posto 1066 cun tempo de 55:15
Nuria Díaz, foi a 1094 cun tempo de 55:51 para completar os 10 kilómetros
Tania Bellas, e Julia Ballesteros chegaron 1154 e 1155 cun tempo de 57:05
Rosi Cal, posto 1399 para completar a proba en 1:04:41
Majo Almeida, moi preto de Rosi, con 1:05:07 no posto 1413
Cristina Rodríguez, e MªCarmen Pita chegaron cun tempo de 1:09:24, acadaron o posto 1448 e 1449
Carmen Cal, logrou a posición 1452 e un tempo de 1:09:52
MªJosé Alonso, chegou cun tempo de 1:11:07 e no posto 1458
A proba foi gañada polo atleta salmantino Jesús Galache, cun tempo de 32:21, e a proba feminina pola atleta de Ares Paula Mayobre, cun tempo de 34:02, moi preto do récord galego. A proba de 10 kilómetros tivo un total de 1474 atletas que finalizaron a proba.
E todo isto aderezado cunha animación de auténtico luxo. Como é habitual en todas as grandes citas atléticas da cidade da Coruña, contábamos co atleta do Olympo Xalo Maira como o speaker oficial da gran Maratón Atlántica Coruña 42, quen dinamizou a proba de forma exquisita dende primeira a última hora animando en todo momento e informando a todos os presentes dos distintos sucesos da proba.
E non podían faltar os animadores. Atletas e compañeiros do Clube tamén madrugaron o domingo para animar dende primeira hora da mañá, gracias Óscar, César, Modesto, Susana, Vituco e por suposto todos os atletas xa mencionados.
Fantástica xornada deportiva a vivida o domingo nas rúas da Coruña, ambiente saudable e sobre todo, moi divertido. O que amosa que o Olympo está formado por un incríble grupo humano, e no que todo o mundo que o desexe ten cabida. Noraboa
Nova cortesía de Susana Castro