RESULTADOS CD AS PONTES

O As Pontes de Terceira División caeu goleado escanadalosamente en Vigo ante o Rápido de Bouzas, nin máis nin menos que 7-0 ante un dos equipos da zona baixa da taboa. Paralizase a Liga ata o 18 de Decembro pola disputa da Copa das Rexións UEFA (mañá sae a lista definitiva). Agardemos que dentro de tres semanas os xogadores volvan con forzas revovadas. Son novenos con 22 puntos e recibirán ó perigoso Vilalbés.
O equipo feminino empatou 1-1 na Pobra do Caramiñal ante o Crocha. Nun partido no que debutaron moitas noviñas, ata catro, Lia, Eloise, Andrea Pita e Uxía, e reapareceu Chipy, cerca do final adiantaronse as visitantes, pero faltando cinco minutos a talentosa Clara poñía o empate no marcador. Pendentes do partido aplazado ante o Tordoia as pontesas finalizan a primeira volta séptimas con 11 puntos. Sen dúbida merecían máis, pero as lesións, sobre todo en postos clave e as baixas en moitos partidos impiden que o equipo colla un mínimo de regularidade. A nota positiva é a irrupción de moitas noviñas, que cun pouco de continuidade garantizan o equipo durante algúns anos. Salido e Pita alinearon a Leti, Yaiza, Mireia, Jani, Silvia, Lara (Natalia 70), Clara, Chipy (Lía 46´), Cris Moirón (Eloise 72´), Carlota (Andrea Pita 83´), Carliña (Uxía 80). No primerio encontro da segunda volta reciben esta semana ó segundoi clasificado Val do Ulla (Xentileza de Emma).

Sensacional o Xuvenil B que esta mañá gañou 0-4 ó Numancia de Ares e xa son segundos con 26 puntos. A semana que vén teñen un merecido descanso.
Moi ben tamén o equipo cadete que gañou 0-5 en Ferrol ó Aspiurantes. Son terceiros con 21 puntos, a tres do líder Caranza, e a semana que vén reciben ó Narón Balompé.
O infantil gañou 4-0 ó EFR Ferrol B, tantos de Alex Fernández (2), Iago V e Hulk de córner directo. Ademáis os de Marcos Roca vense beneficiados polo tropezo en casa do Narón ante o Cedeira, 1-2. Son terceiros con 19 puntos a dous do Caranza e Narón. A próxima xornada xogan en Fene co complicado Perlío.







Primeira derrota da tempada do Alevín A, 5-2 en Ferrol ante o gran Portuarios B, tantos de Josiño e Jorge Saavedra. Comprimese a zona alta da táboa con As Pontes e Eume con 21 puntos, Portuarios con 19. O sábado que vén reciben ó EFR Ferrol B.
O Alevín B perdeu co Portuarios A, 2-4. Son séptimos con 10 puntos e a semana que ven visitan ó EFR Ferrol E.
Xenial o Benxamín A que gañou 2-5 ó Narón B, tantos de Mateo (2), Antón Paz, Chema e Jose. Son cuartos con 15 puntos, a tres do liderato, e o sábado que ven reciben ó Caranza C.
O Benxamín B pola súa banda perdeu co Narón A 1-8, tanto de Xan. Son oitavos con 7 puntos e o próximo fin de semana visitan ó líder Galicia de Caranza.








O Prebenxamín A logou un importante triunfo en Narón, 2-3, con triplete de Joan. Son sextos con 10 puntos e a próxima xornada reciben ó EFR Ferrol C.
Os máis pequenos, o prebenxamín B, perderon 0-16 co Narón e a semana que vén xogarán co Numancia de Ares.







Nova cortesía de Xose Ferreiro e A.F.