SEGUNDA REXIONAL: CD AS PONTES 6 SAN SADURNIÑO CF 0

Triunfo contundente do segundo equipo pontés por 6-0. Ó descanso xa se rexistraba un marcador de 2-0.
Pouco hai que comentar do encontro, no que o As Pontes foi moi superior ó rival e incluso puido marcar máis goles. Catro tantos de Borja, un de Vicente e un de Ferreiro de penalti deron os tres puntos ó cadro de Iván Rodríguez que suma 21 puntos e se sitúa na cuarta posición por detrás de San Mateo (24), Caranza (23) e Neda (22).
Xogaron Juan (David 83´), Óscar Ferreiro, Palas, Hugo Filgueiras, Carlos (Fernando 69´), Cristian (Alex Antón 66´), Púas (Pellón 69´), Totti, Vicente, Borja, Marcos Novo (Fermín 53´).
Compricado rival a semana que vén, o AD Miño, que vai sexto cun punto menos.

Nova cortesía de Xose Ferreiro e A.F.