Sincronización gráfica de directorios

Lendo agnix.org:
“CVS, PRCS, Subversion, BitKeeper, Coda, scp, rsync, unison … moitas posibilidades mais poucas delas son axeitadas, gráficas e doadas de seren empregadas. Cóntovos sobor dalgunhas delas.
Grsync é unha GUI (Graphical User Interface, Interface Gráfica de Usuario) para o rsync, unha ferramenta para a sincronización de directorios en liña de comandos.”…

…”O rsync é un predeterminado na maioría das distribucións GNU/Linux, poderoso e versátil. Mais, como se sabe, empregar a liña de comandos mete medo a moitos novos e novas que se achegan aos sistemas operativos libres.
Grazas á interface gráfica baseada en GTK, Grsync permite dispor da meirande parte das funcionalidades do rsync. Por exemplo, podes sincronizar a túa colección de música entre diferentes dispositivos ou facer copias de seguridade de arquivos persoais con outros dispositivos da túa rede.”…
Fonte: agnix.org