Un gran Borja Prieto roza o podio nun Mundial no que España consigue catro medallas

O piragüista pontés Borja Prieto quedou a un paso dos metais na proba de K4 200 metros nos Mundiais que se disputaron esta fin de semana en Canadá. O cuarteto novo e con pouca experiencia formado por Prieto, Pablo Andrés, Álvaro Bravo e Joan Ardit logrou un brillante cuarto posto, sendo so superado polos sensacionais bielorrusos que conseguiron nesta proba a súa enésima medalla de ouro nestes campionatos, plata para os eslovacos e bronce pra os rusos. Por detrás de España quedaron embarcacións de gran nivel coma as de Hungría, Canadá, Ucrania, Serbia e Italia.

Pola súa parte o xove de Pontedeume Yeray Picallo logrou un máis que digno séptimo posto na final de C4 200 metros e oitavo na final de C4 200 relevos.
Na xornada de hoxe, España sumou dúas medallas máis, tralo ouro de onte do K2 1000 masculino (Cosgaya-Merchán) e o bronce do K4 500 feminino (Portela-Molanes-Manchón-Smidakova), os campións olímpicos Perucho e Craviotto quedaron coa mel nos beizos tras lograr a plata e quedar a tan so 2 milésimas do campión, que non podía ser outro que a Bielorrusia de Piatrushenka e Makhneu, na proba de K2 200 metros. Para rematar a xornada o relevo K4 200 metros (proba na que Borja logrou o bronce nos Europeos) logrou o ouro de maneira sensacional por diante de Alemaña, prata, e Francia, bronce. Nesta ocasión a Ekaitz Saies e Fran Llera acompañaronos na embarcación os campións olímpicos Perucho e Craviotto que desta maneira se resarciron do sabor agridoce da proba anterior.
Nova cortesía de Xóse Ferreiro