amigus-party semana-santa-2005

24, 25 e 26 de marzo no local social das Campeiras.

Unha nova edición da amigus-party se está a preparar, outra vez co-organizada co concello das Pontes, coa colaboración da Asociación de Veciños das Campeiras e con conexión a Internet gracias a OPENOR.
Poderedes asistir á party, ás charlas ou ós obradoiros… OU A TODO 😉 non é precisa entrada ningunha, será todo gratuito. O único que vos pediremos será que vos apuntedes no formulario que se indica máis abaixo. Se non o facedes, non vos garantimos que poidades asistir, xa que as prazas son limitadas.
Para asistir á amigus-party semana-santa-2005 debes vir equipado co teu ordenador e todo o preciso para poder conectalo a un só enchufe. Ten en conta que tes dereito a unha praza onde instala-lo teu ordenador, a un enchufe de rede eléctrica e outro de rede de datos. O resto deberás traelo ti. Para que non te esquezas de nada imos poñer unha pequena lista de cousas imprescindibles:
– CPU, monitor, rato, teclado e cables (moita xente esquece o rato, ¡ollo!).
– Tarxeta de rede Ethernet con conexión RJ45 ou tarxeta inarámica.
– Regreta de enchufes.
– Cascos para a música. OS ALTOFALANTES ESTÁN TERMINANTEMENTE PROHIBIDOS.
– Roupa para os 3 días, toallas e útiles de aseo.
– Saco de durmir e esterilla.
– DNI.
Aparte disto, é recomendable traer:
– Unha almofada.
– Un desparafusador de estrela, para poder abri-lo teu PC se algo falla.
– Un cd de instalación do sistema operativo e os drivers das tarxetas que teñas instaladas.
– Cargador de teléfono móbil (se tes teléfono móbil).
Non está de máis que faigas unha copia de seguridade dos datos importantes, antes de acudir a amigus-party semana-santa-2005, e que instales un antivirus.
O prazo de inscripcion remata o 23 de marzo ás 16:00 horas, e pódela realizar cubrindo este formulario
Listados dos obradoiros propostos:
1.- Xoves 24 (16:30-17:30) – Instalación de sistemas Linux > http://www.mandrake.com, http://www.debian.org
2.- Xoves 24 (18:00 – 22:00) – Macromedia Flash
Animación en Flash, ActionScript e publicación para Web
3.- Venres 25 (11:00 – 14:00) – Photoshop > Adobe
Uso de capas e canais alpha, retoque de imaxes, efectos 2D
4.- Venres 25 (16:00 – 17:00) – Sistemas operativos > MacOSX, Windows, Linux, FreeBSD …
5.- Venres 25 (17:00 – 20:00) – Edición de vídeo dixital > Apple FinalCut
Captura de vídeo, edición, transicións, compresión, audio
6.- Sábado 26 (10:00 – 14:00) – Animación 3d – ElectricImage
Nocións básicas de modelado poligonal e Nurbs
Animación 3d, texturizado, iluminación e render