Nota de prensa XPAP: XUNTOS POR AS PONTES PRESENTARÁ DÚAS MOCIÓNS NO PLENO DE SETEMBRO
A plataforma veciñal Xunt@s por As Pontes presentará dúas mocións no pleno de setembro, unha en relación cos afectados polo peche do concesionario Motorkar e outra contra a manipulación nos medios de información públicos. Un pleno no que tamén se dará conta da renuncia como concelleiro do noso compañeiro Alberto Pellón.
Consegue en tempo real avisos de novos artigos no teu dispositivo, subscribete agora.
1. Peche do concesionario Motorkar, estafa comercial e despedimento colectivo.
Tras coñecer o peche do concesionario Motorkar e a estafa a máis de 40 persoas que tiñan o seu vehículo encargado e pagado, entre eles veciños da nosa localidade, solicitamos ao Pleno o apoio explícito ás afectadas e a busca de solucións para paliar a súa situación. Ademáis, instamos ao Concello a que desenvolva unha campaña de información sobre os dereitos dos consumidores e usuarios nos servizos competencia do Concello e as ferramentas ferramentas para a defensa destes dereitos.
2. Defensa da calidade e independencia dos medios públicos de comunicación audiovisual de Galicia
Coñecido é por todos a manipulación á que as cidadáns nos vemos sometidas pola influencia do PP nos medios de comunicación públicos galegos, polo que solicitamos do Pleno o apoio explícito ás mobilizacións do persoal da CRTVG en defensa duns medios de comunicación públicos de calidade e independentes.
Os gobernos, con independencia da súa cor política, non deben interferir na difusión da información á veciñanza, pois son a garantía e o elemento central das sociedades democráticas.
3. Renuncia como concelleiro do noso compañeiro Alberto Pellón.
O noso compañeiro Alberto Pellón renuncia ao cargo de Concelleiro por motivos de índole persoal. O seu substiuto será a seguinte persoa que integraba a lista de Xunt@s por As Pontes nas eleccións do 2015, Xosé Manuel Ribeira García.
As Pontes, 11 de setembro de 2018
Máis información en www.xuntosporaspontes.com