Consegue en tempo real avisos de novos artigos no teu dispositivo, subscribete agora.
A falta de sete xornadas para o remate da liga, mal se lle poñen as cousas ó Esteo pontés despois de perder por 5-4 na pista do colista do grupo, Espinar Arlequín. Os ponteses seguen de décimos, pero coa clasificación moi comprimida na parte baixa. De gañar en terras segovianas, houbese tomado un bo respiro e situarse na sexta posición a dous puntos do Albense.
En canto ó partido, sinalar que a primeira metade foi de dominio do Espinar, que se foi ó descanso con vantaxe de 2-0, o primeiro anotado por Isaac no minuto 15 e o segundo a piques de soar a bocina por mediación de Abeliyo, aínda que o resultado puido ser máis amplo a tenor dos méritos dos segovianos, xa que o Esteo non estivo nada cómodo nesta primeira metade e dando demasiadas facilidades na parcela defensiva.
Pero, se isto non fora pouco, ó minuto de xogo do segundo tempo encaixa o terceiro tanto por mediación de Isaac, co que o partido quedou practicamente sentenciado. Reaccionan os ponteses e logran marcar o primeiro tanto a disparo de Gerveno uns segundos despois. Pero pouco durou a alegría, xa que novamente o Espinar marca o cuarto por obra de Alfon. A táctica do porteiro xogador fixo entrar no partido ó Esteo ata poñerse cun 4-3 con goles de Rubi e Gerardo. Pero, de novo Alfon marca para os locais o quinto e nos segundos finais Rober Paz logra o cuarto para os ponteses.
Na vindeira xornada complicada visita do Universidad de Valladolid, cuarto clasificado, equipo que gañou na primeira volta ó Esteo por 8-2 e que nesta xornada empatou a dous goles na súa pista diante do Zamora, outro dos equipos situado na zona baixa da clasificación a catro do Esteo.
FICHA DO PARTIDO
ESPINAR ARLEQUÍN FS: Kike, Luigi (A), Alfon, Isaac, Abeliyo cinco inicial- Carlos, Oscaril, Javito (A), Abel, Angulo e Feli (A).
O ESTEO FS: Chotto, Héctor (A), Rubi (A), Gerardo (A), Fran cinco inicial- Pelu (A), Rober Paz (A), Gerveno e Bolly.
GOLES: Min 16 (1-0), Isaac. Min. 20 (2-0), Abeliyo. Min 21 (3-0), Isaac. Min 22 (3-1), Gerveno. Min 23 (4-1), Alfon. Min. 28 (4-2), Rubi. Min. 36 (4-3), Gerardo. Min. 37 (5-3), Alfon. Min. 40 (5-4), Rober Paz.
INCIDENCIAS: Partido da décimo novena xornada de liga de Segunda División B disputado no pavillón municipal de El Espinar (Segovia) ante uns 100 espectadores nas gradas.
Nova de AF