Dende o pasado domingo, e ata este venres en que se xogaron as finais, disputouse nas Pistas de Tenis da Canle IV o Torneo de Tenis das Festas do Carme.
Máis de trinta xogadores déronse cita no evento, e na categoría alevín feminina impúxose Lydia Espiñeira a Paola Leira.
Darío Vila fixo dobrete, xa que gañou tanto en alevín coma en infantil, impoñéndose a Ignacio Luaces e a Carlos Durán, respectivamente.
Na categoría senior venceu o pontés Ángel Montero, que derrotou en dous sets na final a Juan Fernández.
Ó remate do torneo entregaron os trofeos ós primeiros e segundos clasificados de cada categoría, o Concelleiro de Deportes, Chicho Tembrás, e o Presidente do Club de Tenis As Pontes, Paulino Fernández.
Nova cortesía de Xose Ferreiro