Xosé Manuel Ribeira García: «Non se fan as cousas pequenas»
Candidato de Xuntas por As Pontes-En Común
Xubilado de Endesa e exmembro do comité de empresa de Endesa, Xosé Manuel Ribeira (Viveiro, 1949) encabeza a candidatura de Xuntos por As Pontes-En Común. Da este paso adiante porque «preocúpanme os problemas elementais dos veciños». E pon un exemplo: «A necesidade de aseos públicos no parque do pobo».
-¿Que valoración fai deste mandato?
-Negativa porque con 11 concelleiros de 17 o único que se fixo foi pasar o rodillo de forma permanente. Non facilitan ningún tipo de información á oposición e non se entende que aquí se programe un pleno municipal cada dous meses que remata ás cinco da tarde. A forma de levar a xestión municipal foi malísima. Ese é un problema gordo porque non se controla o que se fai. E despois para min hai unha cousa que é nefasta e é que o alcalde nunca está nos plenos. Debería compaxinar mellor o traballo municipal coa Deputación. Aquí hai moita festa, moita carpa e moito arranxo de estradas, pero do demais nada de nada. Débese buscar a forma de vivir mellor os veciños. Non se fan as cousas sinxelas.
-¿Que propoñen?
-Hai que facer cursos a nivel profesional como se facía antigamente. Non só dirixirse á innovación ou a emprendemento. Aquí hai instalacións de sobra para facer cursos de soldadura ou de mecánica. Todo iso preocúpame co nivel de xuventude parada que hai neste pobo. Iso é fundamental. Tamén demandamos un matadoiro municipal, actuacións para mellorar a beira do río Eume e non só do lago e apostamos por revitalizar a zona rural.
-¿Que o animou a dar un paso adiante?
-Eu sempre estiven en política, sempre fun de infantería, pero non neste plano institucional. Dou un paso adiante polo meu compromiso para mellorar as cousas.
Fonte La Voz de Galicia